Belsierre

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Belsierre
Lugar d'Aragón
Enviesta d'o nuclio de Belsierre.
Entidat  • País  • Provincia  • Comarca  • Municipio	Lugar  Aragón  Uesca Sobrarbe Puértolas
Partiu chudicial	Boltanya
Población  • Total	39 hab. (2023)
Altaria  • Meyana	813 m.
Distancia  • 5,5 km  • 12 km  • 138 km	enta Puértolas enta L'Aínsa enta Uesca
Codigo postal	22362
Parroquial  • Diocesi  • Arcipestrau  • Parroquia	Balbastro-Monzón Sobrarbe-Ribagorza Sant Martín
Coordenadas	42°30’46’’N 0° 7’59’’E
Belsierre Belsierre en Aragón

Ista fualla ye escrita en l'aragonés d'a valle de Puértolas.

Belsierre (prenunciato [bel'sjære] (AFI)) ye un nuclio d'o municipio de Puértolas (Uesca), en l'aria central de Sobrarbe. A población suya ye de 22 habitants (2005). Belsierre ye uno d'os tres lugar d'a parte baixa d'a valle de Puértolas, en chunto con Escalona y Puyarruego, y ye d'os tres estes, o de mes ta o norte, bels 2 km puyando t'alto ta Puértolas dende Escalona.

Belsierre se troba en a mesma garra larga d'o Castiello Mayor que baixa ta Escalona, prelongata cuantos kilometros en fendo una costera larguiza que per alto tiene os lugars de Puértolas y Santa María, pero 5 km debaixo d'estes. O casar antigo de Belsierre feba una baixant d'o repuntot a on ye posentato, con a ilesia en l'alto de tot, pero como en a Guerra el habioron de reconstruir dimpués que el destruisen as tropas, se tornó a devantar en o recuesto que ye a on se troba actualment.

A Bolsa de Bielsa

A ilesia viella de Belsierre, bombardiata en a Bolsa de Bielsa.

Belsierre estió uno d'os pocos lugars de Sobrarbe que s'adubioron a destruyir de tot en a Guerra Civil. Dimpuesas que os nacionals encalcesen a tropa republicana a finals de marzo de l'anyo 38 (en os campos d'entre A Buerda y Escalona que cruzoron os primers tiros) tronzando-les a escapatoria, o primer movimiento defensivo d'a 43 División Republicana que fayoron estió de, viyendo que es Nacionals les superaban en numero, enrocar-se entre Puyarruego y Belsierre, en o primer recosiello d'el que luego habría d'estar a Bolsa de Bielsa.

En ixes diyas, as tropas d'a 3ª companyía de Navarra (Exercito d'es Nacionals) s'ensentioron en Escalona, mientres que a mes gran parte de l'exercito suyo iba adubindo o control d'as villas mes prencipals de Ribagorza. Ixa situación d'amagatos a os republicanos les duró bien poco, pos poquez días mes tarde y preveyendo que s'heban de fer buens estroces, a semana d'o 6 dica o 13 d'abril pactoron d'evacuar os habitants (bels 5000, en as valles de Puértolas, Tella, Bielsa y Chistau) y fer-los pasar o Puerto Viello ta Francia.

O lugar el bombardioron 2 veces en o transcurso d'a contienda, la una con artillería de tierra y la segunda con avions. A primer vez el bombardioron ta privar que se bi amagasen os republicanos adintro, y la segunda, perque sospechaban os nacionals que precisando como precisaban os republicanos bel puesto a on poder fer aterrizar os avions, sería o millor puesto ta tener-ie un aerodromo, y per ixo el mandoron bombardiar con l'aviación.

De resultas d'ixo, només en quedoron que dos casas en piet. A resta las habioron de reconstruyir os belserrinos cuan tornoron d'o exilio. A ilesia viella, en alto d'o casar, ye a zaguer resta d'aquello.

Fiastas

• 28 de chinero, fiasta d'hibierno per a Consagración.
• 11 de noviembre: Fiasta Mayor fendo-le honors a Sant Martín.

Demografía

Evolución demografica

1362 f 1495 f 1842 1857 1860 1877 1887 1897 1900 - - - 97 - - - - -

1910 1920 1930 1940 1950 1960 1970 1981 1991 - - - - - - 31 - -

1992 1994 1996 1997 1998 1999 2000 2001 2002 - - - - - - - 19 -

2003 2004 2005 2006 2007 2008 2009 2010 2011 - 20 22 - - - - - -

2021 2022 2023 2024 2025 2026 2027 2028 - - - - - - - - - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Se veiga tamién

• (an) Estatisticas de Belsierre en AragonEsAsi.com

• Datos: Q13048511
• Multimedia: Belsierre / Q13048511