Puerto Viello de Bielsa

Puerto Viello de Bielsa
Port Vieux de Bielsa
Puerto Viello de Bielsa
Situación
País	Aragón Occitania
De ta	Bielsa Aranyonet
Datos chenerals
Altaria	2.378 m
Tipo	Camín d'alta montanya
Mapa

O puerto Viello de Bielsa (en francés Port Vieux de Bielsa, en castellano Puerto Viejo de Bielsa) ye un puerto de montanya situau en a muga entre Aragón y Francia a 2.378 m d'altaria.

Se troba entre o pico d'el Puerto Viello (2.721 m) y o punta de l'Agulleta (2.508 m) y une Bielsa, en Aragón, y Aranyonet, en Occitania, a traviés d'a circo de la Pinarra.

Historia

O puerto Viello de Bielsa estió o paso prencipal entre as vals de Bielsa y Aranyonet dica a construcción d'o túnel de Bielsa-Aranyonet en l'anyo 1976.

Fue emplegau mientres sieglos ta o paso de ganau, pelegrins y comerciants y dimpués mientres a Guerra Civil por emigrants, exiliaus y maquis.

Mientres a primavera de 1938, entre os meses d'abril y chunio se fació a evacuación a traviés d'iste puerto de milenta civils y militars republicanos que trescruzoron o puerto enta Francia en crebar-se a Bolsa de Bielsa.

Antonio Beltrán Casaña, l'Esquinazau, describiba asinas en 1941 a situación vivida en o puerto en istos meses:

A l'amaneixer d'o día 16 de chunio de 1938 todas as fuerzas d'a 43 heban trescruzau a muga francesa con tot o material, quedando asinas rematada a resistencia d'os republicanos en o Pireneu Aragonés

Vinclos externos

• (es) La Bolsa de Bielsa por el Puerto Viejo (PR-HU 182).

• Datos: Q111211145