Belaiskom

De Biquipedia
Ir a la navegación Ir a la búsqueda

Belaiskom (en escritura iberica Belaiskom.svg) ye a transcripción fonetica literal d'os epigramas escritos en signario ibérico que apareixen en bellas monedas celtiberas, cudidas en a primera epoca romana d'Hispania, podendo estar ubicada a suya ceca en una antiga ciudat dita Konterbia Belaiska u bien Contrebia Belaisca, qualas restas arqueolochicas se troban en o dito Cabezo de las Minas en Botorrita, provincia de Zaragoza, (Aragón). No existe consenso en a comunidat scientifica sobre l'atribución d'ista ceca a dita ciudat y as hipotesis sobre a suya localización son amplament discutidas.

Posibles localizacions[editar | modificar o codigo]

Ista ceca perteneixe a o grupo d'os belos, pueblo celtiberico d'a val d'Ebro, o río Xalón y o Xiloca,[1] encara que a suya localización extacta ye obcheto d'a-saber-las hipotesis. M. Beltrán considera que as monedas de leyenda "Belaiskom" perteneixen a la mesma ceca que as de Konterbakom Bel, que s'atribuyen a Contrebia Belaisca.[2] En caso de que estase una ceca independient, amanada a dita ciudat, as localizacions posibles son Osma (Soria, Castiella y Leyón) y Cervera del Río Alhama (A Riocha).[3] Coincidindo con ista zaguera hipotesis dita, Francisco Villar aporta un argumento lingüistico que disociaría o significau de Belaiskom como etnonimo de Belaiska.[4]

Emisiones[editar | modificar o codigo]

Se conoixen dos emisions de monedas d'ista ceca,[5] en a primera, de zaguerías d'o sieglo II aC, cude unidatz y metatz de bronze. As primeras en l'anverso amostran una cabeza viril con dos delfins y o signo iberico BE; en o reverso o chinete con lanza y a leyenda BELAI-SKOM. En os divisors, d'igual anverso, o reverso presenta o caballo galopiando con a leyenda d'a ceca.[6] A segunda emisión se data en primerías d'o sieglo I aC y d'ella se decumentan unidatz de bronze de tipolochía identica a la emisión anterior, a excepción d'os delfins de l'anverso: en istas i pueden apareixer dos, un u dengún.[7]

Metrolochía y cronolochía.[editar | modificar o codigo]

Seguntes o estudeo de L. Villaronga y M. García-Garrido,[5] a primera emisión perteneixe a la clase IV (monedas de valor metat de l'as román de 16 monedas en libra, 9,92 g) que corresponde a zaguerías d'o sieglo II aC. A segunda emisión se clasifica adintro d'a clase V (monedas de valor metat de l'as román de 18 monedas en libra, 8,48 g), de primerías d'o sieglo I aC.

Referencias[editar | modificar o codigo]

  1. (es) Salinas de Frías, M., Los pueblos prerromanos de la península Ibérica, Akal S.A., Madrid, 2007, pp. 95-96
  2. (es) Beltrán, M., Problemas en torno a la ciudad de Conterbia Belaisca, NUMISMA XXVI, 139-143, 1976, pp.71-84 Beltrán, M., Problemas en torno a la ciudad de Conterbia Belaisca, NUMISMA XXVI, 139-143, 1976, pp.71-84
  3. (es) Villaronga, Corpus nummum hispaniae ante Augusti aetatem, Jose A. Herrero S.A., València, 1994, p.281
  4. (es) Villar, F., Estudios de celtibérico y de toponimia prerromana, Ediciones Universidad Salamanca, 1995, pp.138-139
  5. 5,0 5,1 (ca) Villaronga, L., Numismàtica antiga de la Península Ibèrica, Societat Catalana d’Estudis Numismàtics, Barcelona, 2004, p.172-173
  6. (es) Villaronga, Corpus nummum hispaniae ante Augusti aetatem, Jose A. Herrero S.A., València, 1994, p.281, monedas nº 1 y 2
  7. Ibid., monedas nº 3-5

Se veiga tamién[editar | modificar o codigo]