Barry Lyndon

Barry Lyndon
Títol	Barry Lyndon
Póster d'a cinta.
Ficha tecnica
Dirección	Stanley Kubrick
Aduyant de dirección	Brian W. Cook
Dirección artistica	Roy Walker
Producción	Stanley Kubrick
Disenyo de producción	Ken Adam
Guión adaptau	Stanley Kubrick
Basau en	The Luck of Barry Lyndon, novela de William Makepeace Thackeray (1844)
Musica	Stanley Kubrick
Soniu	Robin Gregory Rodney Holland
Fotografía	John Alcott
Montache	Tony Lawson
Escenografía	Roy Walker Vernon Dixon
Vestuario	Milena Canonero Ulla-Britt Söderlund
Maquillache	Alan Boyle Ann Brodie Jill Carpenter Yvonne Coppard Barbara Daly
Actors	Ryan O'Neal Marisa Berenson Patrick Magee Hardy Krüger Gay Hamilton Godfrey Quigley Steven Berkoff Marie Kean Murray Melvin Frank Middlemass Leon Vitali Dominic Savage Leonard Rossiter André Morell Anthony Sharp Philip Stone
Color	Eastmancolor
Narrador	Michael Hordern
Datos y cifras
País(es)	Reino Uniu Estaus Unius
Anyo	1975
Debantadera	11 d'aviento de 1975 Londres (Reino Uniu)
	18 d'aviento de 1975 Reino Uniu
Chenero(s)	Cine de drama Cine historico
Durada	185 min.
Idioma(s)	Anglés Alemán Francés
Companyías
Productora(s)	Hawk Films Peregrine Productions
Distribución	Warner Bros.
Presupuesto	11 millons de dólars
Recauto	31,5 millons de dólars
Informacions en bases de datos especializadas:

Barry Lyndon (títol orichinal en anglés, enguerada con ixe mesmo títol en Aragón ye una cinta de cine britanico y estausunidense de l'anyo 1975 de drama historico dirichida por Stanley Kubrick seguntes un guión adaptau por él mesmo basau en The Luck of Barry Lyndon, una novela de William Makepeace Thackeray publicada en 1844 por entregas en Fraser's Magazine. A dirección de fotografía d'a cinta ye un treballo de John Alcott y a banda sonora orichinal, d'o mesmo Stanley Kubrick en emplegando obras de musica clasica de Wolfgang Amadeus Mozart, George Frideric Handel, Franz Schubert, Johann Sebastian Bach, Giovanni Paisiello y Antonio Vivaldi, amás de bellas cancions d'o grupo de musica irlandés The Chieftains. A suya producción cinematografica estió tamién a lo cudiau de Stanley Kubrick, ta las productoras Hawk Films y Peregrine Productions. Finalment, l'elenco d'actors d'a cinta ye formau, en os suyos papels principals, por Ryan O'Neal, Marisa Berenson, Patrick Magee, Hardy Krüger, Gay Hamilton, Godfrey Quigley, Steven Berkoff, Marie Kean, Murray Melvin, Frank Middlemass, Leon Vitali, Dominic Savage, Leonard Rossiter, André Morell, Anthony Sharp y Philip Stone.

En a cinta se contan as aventuras d'un choven irlandés, Barry Lyndon, y la suya complicada vida en a Europa en a Guerra d'os Siet Anyos (1753-1763), encara que a cinta escomencipia con a fuyida d'o protagonista d'a suya casa familiar como consecuencia d'un duelo. Barry finalment fa una voda con una cabalera vidua ta puyar en a escala social, pero no conseguirá lo suyo obchectivo. A cinta s'ambienta asinas en Irlanda, o Reino Uniu y Alemanya en os anyos 1740, 1750 y 1760 y se filmó en Woodstock (Oxfordshire, Reino Uniu), condaus de Derbyshire, Dorset, Gloucestershire, Somerset, Yorkshire d'o Norte, Wiltshire, Devon, South Gloucestershire, Sussex de l'Ueste y Suffolk (Reino Uniu), condaus de Cill Dara, Tiobraid Árann, Ceatharlach, Cill Mhantáin, Port Láirge, Dublín y An Mhí (Irlanda), Highland en Escocia y en Potsdam (Brandemburgo, Alemanya) y Baden-Württemberg y Bavera tamién en Alemanya.

Se tracta d'una cinta con cuantos premios y nominacions, en destacando siet nominacions a los Premios Oscar en a suya 48^ena edición, incluida la nominación a l'Oscar a la Millro Cinta, y en ganó cuatre: Millor Banda Sonora Orichinal, Millor Fotografía, Millor Disenyo de Producción y Millor Disenyo de Vestuario. En a 29^ena edición d'os Premios BAFTA recibió cinco nominacions, incluyida a lo BAFTA a la Millor Cinta, y en ganó dos: Millor Director y Millor Fotografía. Finalment, en a 33^ena edición d'os Premios Globos d'Oro recibió dos nominacions: Millor Cinta Dramatica y Millor Director; amás d'atros premios y nominacions menors.

Elenco

Actor	Papel	Notas
[[]]	'

Se veiga tamién

• Cine en 1975.
• Cintas de 1975.

Vinclos externos

• (en) Barry Lyndon en Internet Movie Database.
• (en) Barry Lyndon en Screenonline d'o British Film Institute.
• (es) Barry Lyndon en FilmAffinity.
• (fr) Barry Lyndon en Allociné.
• (en) Barry Lyndon en Rotten Tomatoes.
• (en) Barry Lyndon en Letterboxd.
• (en) Barry Lyndon en AllMovie.
• (en) Barry Lyndon en TCM Movie Database.
• (en) Barry Lyndon en Metacritic.
• (en) Barry Lyndon en l'American Film Institute Catalog de l'American Film Institute.