Barranco d'Ascaso

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Barranco d'Ascaso
As balsetas d'o Barranco d'Ascaso son ollas de chigant.
Administración
País	Aragón
Municipios por a on pasa	Boltanya
Cheografía
Longaria	4 km
Altaria d'o naixedero	1200 m
Naixedero	O Patro de l'Estallo, Punta Nabaín.
Desembocadura	río Ara a par de Boltanya
Mapa

Ista fuella ye escrita en baixo sobrarbés.

O barranco d'Ascaso ye un barranco que nace d'o Patro de l'Estallo, en a Sierra de San Martín (Sobrarbe) por o canto d'o lugar d'Ascaso (municipio de Boltanya), y baixa por os montes d'A Trasierra (d'encima d'os cualos s'ancuentra ixa localidat) travesando bellos lapiars y un amplo transeto, de preciso en l'altura d'o lugar, que ye de roca calcinosa expuesta a os temperos, por a'nde o curso d'augua ha esgarrapau pilonas y balsetas (ollas de chigant) consecutivas por erosión, en os empetons d'as cuals s'han producito precipitación d'o calz formando tobogans caracteristicos, de tonalidaz amariellas y royencas.

O puente por d'encima d'o barranco, a par d'Ascaso.

Por a forma d'as pocetas, de relieve suave y mica profundas, y ra calentura de l'augua que baixa expuesta a'l sol por toda ra vertiente, os zagals las emplegan a saber-lo en o verano ta banyar-se y capuzar-se. Por d'encima d'o barranco cruza un puente de piedra bien antigo, que yera o camino antigo ta Murillo y ra Valle' Vió.

O barranco desemboca en l'Ara bellos 2 Km t'arriba de Boltanya, antes no ro Congosto de Chanovas, por debant d'as faixas de Seso.

• Datos: Q20613352