Barranco de Sieste

De Biquipedia
(Reendrezato dende Río Sieste)
Ir a la navegación Ir a la búsqueda
Iste articlo tracta sobre o barranco de Sieste. Ta altros emplegos d'o toponimo «Sieste» se veiga Sieste (desambigación).
Barranco de Sieste
073.Valle de Sieste.JPG
A valleta d'o barranco de Sieste (valle de Sieste), dende Sieste.
Administración
País {{{país}}}
Municipios por a on pasa Boltanya
Cheografía
Longaria ±7 km
Altaria d'o naixedero ±980 m
Naixedero Sarrato de Morcat.
Desembocadura río Ara en Malgurguet

O barranco de Sieste, tamién dito río Sieste, ye un corso d'augua menor que ye afluent d'o río Ara por a man dreta a dintro d'o termin municipal de Boltanya, en a comarca de Sobrarbe.

Naixe en as garras de lo sarrato de Morcat, por debaixo d'o lugar que le da nombre a ixa formación orografica, Morcat, en un recuesto que se diz de la «Casa d'o barranco Fondo». Describe una trachectoria en forma d'«S» en a que la segunda curva ye más pronunciada que a primera, y esnaviesa por a ribera de la pardina de Sant Martín y l'aldeyeta de La Valle.

A valleta que describe o barranco incluye, a demás de Sant Martín y La Valle, lo despoblato de Sant Velián y más t'alto lo tamién despoblato de Morcat. A valle en a redolada se conoix como «a valle de Sieste» u «valle de Morcat», sobre tot con o primer nombre, por haber-ie estau o lugar de Sieste lo más poblau de totz.

Anecdoticament, o barranco de Sieste ye la muga d'entre os bispaus de Uesca y Balbastro-Monzón. Sieste y toda la valle de Boltanya son de Balbastro-Monzón, y de Morcat inclusive ta'l sud fa parte d'o bispau de Uesca.

Entidatz de población[editar | editar código]

As entidatz de población (pobladas en l'actualidat u despobladas) por a on pasa u que se troban en a suya compleguera, en sentido descendent, son:

  1. Morcat.
  2. O Mesón de Fuévola.
  3. Sant Velián.
  4. Sant Martín de la Valle.
  5. La Valle.
  6. Sieste.
  7. Desemboca en o río Ara en Malgurguet.

Imáchens[editar | editar código]


Ríos d'a cuenca hidrografica de l'Ara
Marguin izquierda Arazas · Chate · Guarga de Caixol · Guarga de Burgasé · Ascaso
Marguin dreita Ordiso · Otal · Sorrosal · Yosa · Forcos · Sant Salvador · La Banyera · Sieste · Ena