Olla de chigant
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Una olla de chigant u olla de diaple ye una depresión quasi circular con diametro y fondura de dica bells metros y que se fa por erosión en lo cauz.[1] de lo curso alto d'un río, un torrent u un barranco.
La forma quasi circular se debe a que la corrient d'augua traye ruellos de glera que una vegada adintro no en pueden salir y, cada vegada que la enerchía de la corrient d'augua ye prou gran pa tornar a mover-los, chiran adintro de la olla rozando con las paretz, provocando una abrasión[1] que ixampla la depresión de lo cauz en totas direccions.
En la Peninsula Iberica se troba muitos toponimos con la parola olla referius a "ollas de chigant", correspondients a diferents dominios lingüisticos.
En l'Alto Aragón bi ha eixemplos espectaculars d'ollas de chigant en lo Barranco d'o Fornocal (Colungo), en lo Barranco d'as Gloces (Fanlo) y en lo Río Caldarés (Panticosa).[2] En lo Congustro de Croqueta bi ha ollas de chigant pocos metros por d'encima de l'actual livel de lo cauz y que pueden estar activas en las creixidas.
Referencias[editar | modificar o codigo]
- ↑ 1,0 1,1 Eumenio Ancochea Soto, Francisco Anguita Virella, Fernando Moreno Serrano. Geología Procesos externos. Editorial Edelvives. p 82
- ↑ Fernando Biarge, José María García Ruiz, Ana Biarge Roca viva. El modelado del paisaje pirenaico. Diputación de Huesca, 2001. p 244
Bibliografía[editar | modificar o codigo]
- Eumenio Ancochea Soto, Francisco Anguita Virella, Fernando Moreno Serrano. Geología Procesos externos. Editorial Edelvives. 1990.