Anguis fragilis
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Anguis fragilis | |
|---|---|
 | |
| Denominacions populars | |
cullebra de cristal / cullebreta-cristal, escurzón de prau / acurzón de prau, eslisón / eslizón, esluzón, lición, barbacán, vidriol
| |
| Estau de conservación | |
| Clasificación cientifica | |
| Animalia | |
Filo:
|
Chordata |
| Reptilia | |
| Squamata | |
| Anguidae | |
| Anguis | |
| A. fragilis | |
| Descripción | |
A cullebra de cristal[1][nota 1][2] u escurzón de prau[1][nota 2] (nombre cientifico Anguis fragilis (Linnaeus, 1758)[3]), tamién dita barbacán[1], eslisón[1][nota 3] u vidriol[1] ye una especie de reptil d'a orden d'os Squamata y familia Anguidae que ye nativa d'o ueste d'Eurasia y, tot y con a suya apariencia, ye un fardacho sin patas, no una sierpe.
Puede aconseguir una longaria maxima de dica 57,5 cm. A mayoría d'os animals adultos que se pueden alufrar miden entre 40 y 45 cm de luengo, con dica 22 cm en a parti d'o tozuelo y lo tronco y la resta en a coda. No i hai cuello visible. A coda, que remata en una punta cornia, se contina con o tronco y, a ormino, ye un poquet mas luenga. As culebras de cristal exhiben autotomía cabal, ye dicir, que lo tallo d'a coda cuan os depredadors a pillan. Cuan torna a creixer, a coda nomás torna a creixer dica convertir-se en un troz curto.
Istos reptils son sobretot activos de nueiz y no prenen o sol como atros reptils, sino que trían calentar-se debaixo d'obchectos como penyas que a la suya vegada han estau calentadas per o sol. Son carnivoros y, a resultas de que s'alimentan de limacos y cucos, a ormino se pueden trobar en tasquizals altos y atros ambients humidos.
Son conoixius per as vidas excepcionalment largas; a culebra de cristal puede estar o fardacho mas lonchevo, vivindo arredol de 30 anyos en a naturaleza y dica a lo menos 54 anyos en cativerio.
Subspecies
[editar | modificar o codigo]- Anguis fragilis sensu stricto.
- Anguis colchica.
- Anguis graeca.
- Anguis veronensis.
- Anguis cephalonica.
Notas
[editar | modificar o codigo]- ↑ Con a variant cullebreta-cristal.
- ↑ Con a variant acurzón de prau.
- ↑ Con a variant eslizón, esluzón y lición.
Referencias
[editar | modificar o codigo]- ↑ 1,0 1,1 1,2 1,3 1,4 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (an) Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals,Ed. Val d'Onsera, 2004, ISBN 978-84-8986-235-7, p.135
- ↑ (en) https://www.iucnredlist.org/species/47113126/744263
Vinclos externos
[editar | modificar o codigo]
Se veigan as imáchens de Commons sobre Anguis fragilis.
Wikispecies tiene un articlo sobre Anguis fragilis.
| Control d'autoridaz |
|
|---|
Datos: Q183660- Multimedia: Anguis fragilis / Q183660
- Especies: Anguis fragilis