Anguis fragilis

Anguis fragilis
Una culebra de cristal (Anguis fragilis).
Denominacions populars
culebra de cristal, cullebra de cristal, cullebreta cristal, cullebra d'aigua, escorzón, escursón, escurzón, acursón de prau, bidriol, andayerbas, correyerbas
Estato de conservación
Seguro (IUCN)
Clasificación scientifica
Reino:	Animalia
Filo:	Chordata
Clase:	Reptilia
Orden:	Squamata
Familia:	Anguidae
Chenero:	Anguis
Especie:	A. fragilis
Descripción
Anguis fragilis Linnaeus, 1758

A culebra de cristal (Anguis fragilis (Linnaeus, 1758)) ye un reptil d'a orden d'os Squamata y familia Anguidae que ye nativo d'o ueste d'Eurasia y, tot y con a suya apariencia, ye un fardacho sin patas, no una sierpe.

Puede aconseguir una longaria maxima de dica 57,5 cm. A mayoría d'os animals adultos que se pueden alufrar miden entre 40 y 45 cm de luengo, con dica 22 cm en a parti d'o tozuelo y lo tronco y la resta en a coda. No i hai cuello visible. A coda, que remata en una punta cornia, se contina con o tronco y, a ormino, ye un poquet mas luenga. As culebras de cristal exhiben autotomía cabal, ye dicir, que lo tallo d'a coda quan os depredadors a pillan. Quan torna a creixer, a coda nomás torna a creixer dica convertir-se en un troz curto.

Istos reptils son sobretot activos de nueitz y no prenen o sol como atros reptils, sino que trían calentar-se debaixo d'obchectos como penyas que a la suya vegada han estau calentadas per o sol. Son carnivoros y, a resultas de que s'alimentan de limacos y cucos, a ormino se pueden trobar en tasquizals altos y atros ambients humidos.

Son conoixius per as vidas excepcionalment largas; a culebra de cristal puede estar o fardacho mas lonchevo, vivindo arredol de 30 anyos en a naturaleza y dica a lo menos 54 anyos en cativerio.

Subespecies

• Anguis fragilis sensu stricto
• Anguis colchica
• Anguis graeca
• Anguis veronensis
• Anguis cephalonica

Vinclos externos

• Se veigan as imachens de Commons sobre Anguis fragilis.