Abanto

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo ye sobre un municipio aragonés en la comarca de la Comunidat de Calatayú; pa lo municipio basco, se veiga Abanto-Zierbena.

Abanto
Municipio d'Aragón
Entidat  • País  • Provincia  • Comarca	Municipio  Aragón  Zaragoza Comunidat de Calatayú
Partiu chudicial	Daroca
Superficie	63,84 km²
Población  • Total  • Densidat	86 hab. (2013) 1,35 hab/km²
Altaria  • Meyana	922 m.
Alcalde	Maria Angeles Sebastian Peiro
Codigo postal	50375
Parroquial  • Diocesi  • Arcipestrau  • Parroquia	Tarazona Alto Xalón Ntra. Sra. de l'Asumpción
Coordenadas	41° 8’12’’N 1°41’55’’U
Abanto Abanto en Aragón
Web oficial

Abanto ye un municipio aragonés de la provincia de Zaragoza situau en la comarca de la Comunidat de Calatayú. Fa parte de lo partiu chudicial de Daroca.

La suya población ye de 86 habitants, en una superficie de 63,84 km² y una densidat de población de 1,35 hab/km².

Toponimia

D'acuerdo con bel autor Avanto fa referencia a la presencia de l'au rapinyadera asinas dita, igual como bi ha toponimos formaus con la palabra Aguila como Aguilar.

En la transcripción de bel texto medieval (sobretot en latín), apareixe como Avanco talment por lo pareixiu de las C y T en letra gotica.

Cheografía

Abanto ye situau a 922 metros d'altaria dencima de lo livel d'a mar chunto a lo río Ortiz a lo norte de la sierra d'el Frontón y a lo sudueste de la sierra de Pardos.

En lo termin municipal d'Abanto bi una una pedrera de calsinera ornamental (mármol crema Abanto), y una laguna d'orichen karstico, lo uello de Pardos.

Historia

Seguntes Agustín Ubieto Arteta, la primera cita de lo lugar ye de 1131, recollida en la obra de Próspero de Bofarull y Mascaró Proceso de las antiguas cortes y parlamentos de Catalunya, Aragón y Valencia, en Colección de documentos inéditos para el estudio de la Historia de Aragón, VIII (Barcelona, 1851), y documenta las variants Abanto y Avanto.

Abanto estió una aldeya de la sexma d'el río Ibdes, adintro de la Comunidat d'aldeyas de Calatayú. Fació part tamién de la sobrecullida de Tarazona en 1446 y de la de Calatayú en 1495. En 1646 yera en la vereda de Calatayú. Entre 1713 y 1722 yera en lo correchimiento de Daroca; quedando en lo correchimiento de Calatayú entre 1785 y 1833. En 1711 encara teneba la categoría d'"aldeya", y prenió la categoría de "lugar" en 1785. En 1834 ya teneba concello. En l'anyo 1887 la cercana localidat de Pardos s'incorporó a Abanto.

Demografía

Evolución demografica

1362 f 1495 f 1842 1857 1860 1877 1887 1897 1900 - - 225 547 516 475 460 607 631

1910 1920 1930 1940 1950 1960 1970 1981 1991 642 753 776 821 827 576 349 272 205

1992 1994 1996 1997 1998 1999 2000 2001 2002 - - 191 - 189 184 184 179 172

2003 2004 2005 2006 2007 2008 2009 2010 2011 158 155 150 150 145 133 125 124 130

2012 2013 2014 2015 2016 2017 2018 2019 2020 127 133 113 113 106 98 97 100 92

2021 2022 2023 2024 2025 2026 2027 2028 - 89 89 - - - - - - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón			3	5	4	3	4	4	1
Partido Popular			-	0	1	2	1	1	4
Partido Aragonés	-		4	2	0	-	-	-	-
Chunta Aragonesista	-	-	-	-	-	-	-	0	-
Total			7	7	7	5	5	5	5

Alcaldes

Lista d'alcaldes

Lechislatura	Nombre	Partiu politico
1979–1983	Octavio Marco Gomollón	UCD
1983–1987
1987–1991
1991–1995
1995–1999
1999–2003
2003–2007
2007–2011	María Ángeles Sebastián Peiró	Partido Popular
2011–2015
2015–2019
2019–2023
2023–2027	María Ángeles Sebastián Peiró	PP

Molimentos

• Ilesia de Nuestra Sinyora de l'Asumpción d'Abanto, una ilesia de lo sieglo XVIII en estilo barroco con un retablo de lo sieglo XVII. Ye protechida legalment con la suya declaración como Bien d'Intrés Cultural.

Fiestas

Las suyas fiestas son lo 30 de chinero y lo 3 d'agosto.

Se veiga tamién

• Lista de municipios de Zaragoza.

Vinclos externos

• Se veigan as imáchens de Commons sobre Abanto.
• (es) Pachina web oficial municipal d'Abanto.
• (es) Abanto en CAI Aragón.

Referencias

Lugars d'o municipio d'Abanto
Abanto | Pardos

• Datos: Q1645485
• Multimedia: Abanto / Q1645485