Magnoliophyta

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Magnoliophyta
Una magnolia. Se considera que as Magnolias tienen un modelo arcaico de flor en o que as diferents estruturas (sepalos, petalos, estambres, carpelos) se troban en un eixe helicoidal en cuenta d'estar en coronas como as atras anchiospermas, feito que se considera mes recient
Clasificación scientifica
Dominio: Eukaryota Reino: Plantae División: Spermatophyta Sozdibisión: Magnoliophyta

As Magnoliophyta u Anchiospermas son una subdivisión d'o reino Metaphyta formato por as plantas con flors verticilatas y que dimpués d'a polinización y fecundación forman fruitos a lo tiempo que se desembolica a simient dentro d'ellos.

Tipicament os verticilos son cuatre:

• Cáliz, formato por sepalos.
• Corola, formata por petalos.
• Androceu, formato por estambres.
• Chineceu, formato por carpelos.

Bi ha gran variedat de flors y en belunas pueden mancar beluns d'estos verticilos. Por eixemplo en as flors que no sigan tipicament hermafroditas una flor masculina no tendrá chineceu, y una flor femenina no tendrá androceu.

Os estambres son pedunculatos en cuenta de tener forma de fuella como en atras espermatofitas.

Os carpelos se fusionan formando una estructura con forma de botella, o pistilo, con una cambra dentro dita ovario con os ovulos dentro. L'ovario se desembolica dimpués d'a fecundación d'os ovulos fendo-se mes gran y convertindo-se en o fruito.

Os ovulos d'as anchiospermas presentan primero ueito celulas haploides, (una oosfera, dos sinerchidas, dos polars y tres antipodas), pero dimpués s'esdevién que as dos celulas polars se fusionan orichinando un nuclio diploide, con o que o numero de celulas haploides se reduce a seis.

A polinización ye un proceso complexo, con formación d'un tubo polinico dende o estigma d'o pistilo dica os ovulos, pasando por tot o estilo. Por este tubo polinico viachan dos nuclios haploides.

A fecundación en as anchiospermas ye una doble fecundación: Uno d'os nuclios que viachan por tubo polinico fecunda a la oosfera de l'ovulo (que dimpués se desembolicará orichinando l'embrión d'a simient, que ye diploide), y l'atro a un nuclio diploide present en l'ovulo (que dimpués se desembolicará formando o endospermo d'a simient, que ye triploide).

Mientres se ye desembolicando a simient, (l'ovulo fecundato y maturo), as parez de l'ovario se fan mes gruesas y l'ovario se converte en o fruito.

As fuellas d'as anchiospermas son muito variatas y tipicament son laminars y no paralelinervias.

Sozdivisions

1. Asteraceae u Compositae (familia d'as margaritas): 22.750 especies.
2. Orchidaceae (familia d'as orquídias): 21.950 especies.
3. Fabaceae u Leguminosae: 19.400 especies.
4. Rubiaceae: 13.150 especies.
5. Poaceae u Gramineae: 10.035 especies.
6. Lamiaceae u Labiatae: 7.175 especies.
7. Euphorbiaceae: 5.735 especies.
8. Melastomataceae u Melastomaceae: 5.005 especies.
9. Myrtaceae: 4.625 especies.
10. Apocynaceae: 4.555 especies.
11. Cyperaceae: 4.350 especies.
12. Malvaceae: 4.225 especies.
13. Araceae: 4.025 especies.
14. Ericaceae: 3.995 especies.
15. Gesneriaceae: 3.870 especies.
16. Apiaceae u Umbelliferae: 3.780 especies.
17. Brassicaceae u Cruciferae: 3.710 especies.
18. Piperaceae: 3.600 especies.
19. Bromeliaceae: 3.540 especies.
20. Acanthaceae: 3.500 especies.
21. Rosaceae: 2.830 especies.
22. Boraginaceae: 2.740 especies.
23. Urticaceae: 2.625 especies.
24. Ranunculaceae: 2.525 especies.
25. Lauraceae: 2.500 especies.
26. Solanaceae: 2.460 especies.
27. Campanulaceae: 2.380 especies.
28. Arecaceae: 2.361 especies.
29. Annonaceae: 2.220 especies.
30. Caryophyllaceae: 2.200 especies.
31. Orobanchaceae: 2.060 especies.
32. Amaranthaceae: 2.050 especies.
33. Iridaceae: 2.025 especies.
34. Aizoaceae u Ficoidaceae): 2.020 especies.
35. Rutaceae: 1.815 especies.
36. Phyllanthaceae: 1.745 especies.
37. Scrophulariaceae: 1.700 especies.
38. Gentianaceae: 1.650 especies.
39. Convolvulaceae: 1.600 especies.
40. Proteaceae: 1.600 especies.
41. Sapindaceae: 1.580 especies.
42. Cactaceae: 1.500 especies.
43. Araliaceae: 1.450 especies.

Bibliografía

• (es) R.F.Scagel et al.: El reino vegetal. Los grupos de plantas y sus relaciones evolutivas. Editorial Omega.

Vinclos externos

• Wikispecies tiene un articlo sobre Magnoliophyta.
• Se veigan as imáchens de Commons sobre Magnoliophyta.