Ovulo (botanica)
![]() |
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
L'ovulo u rudimento seminal en terminolochía botanica ye un esporanchio con tegumento interior que se forma en un esporofilo dito carpelo y se desembolica apegato a éll. Dentro de l'ovulo se forma un gametofito dito saco embrionario con una oosfera dentro. Entre o saco embrionario y o tegumento interno bi ha un parenquima dito nucela.
As primeras plantas con ovulos estioron as Pteridospermas u felequeras con simients. L'aparición de l'ovulo se considera una important fita estructural en a evolución d'as plantas vasculars. Dende o inte que o tegumento interno cierra a paret d'o esporanchio bi ha una millor protección y suministro de sustancias nutritivas pa o desembolique d'o gametofito femenín, o que da una ventalla a las plantas con simients debant d'as plantas con esporanchios no protechitos.
Bibliografía[editar | modificar o codigo]
R.F.Scagel et al.- EL REINO VEGETAL. LOS GRUPOS DE PLANTAS Y SUS RELACIONES EVOLUTIVAS. Editorial Omega.