Streptopelia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Streptopelia
Tordoleta Streptopelia decaocto
Denominacions populars
Tordolas, tortolas, tordoletas, rolletas
Clasificación cientifica
Dominio:	Eukaryota
Reino:	Animalia
Filo:	Chordata
Clase:	Aves
Orden:	Columbiformes
Familia:	Columbidae
Subfamilia:	Columbinae
Chenero:	Streptopelia
Descripción
Streptopelia Bonaparte, 1855

As tordoletas (deminutivo de tordola) u rolletas (/ru'λetas/~/ro'λetas/; cientificament Streptopelia) son un chenero d'aus Columbiformes en a familia Columbidae.

O chenero comprende bella quincena d'especies que habitan en Europa, Asia y Africa. En Africa ye a on en i ha mas diversidat d'especies.

Caracteristicas

As tordolas son palomas de mida chicorrona, que no superan os 30 cm de largaria, con o plumache de colors suaus en tonos de marrón, anaranchadas u dica rosadas, con unas marcas negras en o cuello que les fan como un collar incompleto por a foyeta y a parte de dezaga y que pueden seguir un patrón variau de disenyo que pende de a especie.

Son monogamas vitalicias, o que gosa querer dicir que mantienen a mesma parella toda la vida. Por ixe motivo, en a cultura occidental se les ha vinclau con os sentimientos d'amor y romanticismo.

A suya voz ye mas monotona que no o tulido d'as suyas parients d'o chenero Columba, consistindo en una sola silaba prolargada ("cu-uú") que eventualment puede recordar a o son d'os coculos. Cuan emiten sonius, se diz que as tordolas «rulan» u «arrulan», a diferencia d'as palomas que se diz que «tulan».

Entrastres externos

• Se veigan as imáchens de Commons sobre Streptopelia.