Río d'Alcalá

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Río d'Alcalá
Administración
Estaus	{{{estaus}}}
Territorios	Aragón
Cheografía
Longaria	km
Altaria d'o naixedero	1.570 m
Naixedero	Collau d'el Buei (Alcalá de la Selva, Teruel)
Desembocadura	río Millars (Valbona, Teruel)
Superficie d'a cuenca	km²
Cabal meyano	m³/s
Mapa
Lo río d'Alcalá en Aragón

Lo río d'Alcalá u río de Valbona ye un curso fluvial de la cuenca hidrografica de Millars considerau dica 1955 lo primer tramo d'este río.

Naixe en lo Collau d'el Buei (Alcalá de la Selva). Desaugua la versant meridional de la sierra de Mont Negro y la versant oriental de la sierra d'el Chaparral.

Traviesa los termins municipals d'Alcalá de la Selva, Cabra de Mora y Valbona, a on que complega con lo río de Cedriellas.

Hidronimia

Este río recibe lo nombre de río d'Alcalá dende lo suyo naixedero dica Cabra de Mora y río de Valbona dende Valbona dica lo suyo forcallo con lo río de Cedriellas. En un texto escrito en latín medieval, se fizo mención d'este río cuan lo rei Chaime I d'Aragón confirmó los termins de Sarrión lo 19 de marzo de 1258:

...sicut vadit ad Pilam, et usque ad Carrellum, et usque ad rivum de Alcalano, tam citra rivum quam ultra usque ad terminum More, sicut descendit rivus usque ad fontem del Babol, et ab ipso fonte usque ad fondos de los Sagradedos usque ad sumitatem pinarii...

Las mugas nordorientals de lo termin municipal se situan auguas enta baixo de lo forcallo entre los ríos de Cedriellas y d'Alcalá, lo que amuestra que los habitadors medievals de la depresion de Sarrión consideraban como principal lo segundo curso d'augua.

Lo río d'Alcalá se consideraba por la suya longaria u por lo suyo cabal lo primer tramo de lo río Millars dica mitat de lo sieglo XX. La construcción de lo entibo de Valbona en 1955 fizo que se reconsiderás cual yera lo primer tramo de Millars, considerando-se que yera lo río de Cedriellas.

Bibliografía

• (es) Jorge Hermosilla Pla (dir.): El regadío tradicional y el patrimonio hidráulico del Alto Mijares turolense. ESTEPA (Estudis del Territori i del Patrimoni), 2011, pp. 43–148.
• (es) Eduardo Viñuales Cobos (coordinador): Red natural de Aragón. nº 9, Gúdar-Javalambre Prames, 2006.
• (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984.
• (es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000.