Caprimulgus

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Gallineta ciega reendreza ta iste articlo. Ta atros usos de «gallineta ciega» se veiga Gallineta ciega (desambigación).

Caprimulgus
Caprimulgus europaeus
Denominacions populars
Gallinetas ciegas, gallinas ciegas, enganyapastors
Clasificación cientifica
Dominio:	Eukaryota
Reino:	Animalia
Filo:	Chordata
Clase:	Aves
Orden:	Caprimulgiformes
Familia:	Caprimulgidae
Subfamilia:	Caprimulginae
Chenero:	Caprimulgus
Descripción
Caprimulgus Linnaeus, 1758

Caprimulgus (que etimolochicament significa «os que muyen as crabas») ye un chenero d'aus caprimulguiformes de a familia d'as caprimulguidas, de costumbres crepusculars y nocturnos, que habitan en Eurasia, o norte d'Africa y en America, y que en l'Alto Aragón se conoix como gallinetas ciegas u enganyapastors.

Descripción

Son aus de mida meyana, de color caracteristicament mimetica con l'hábitat a on viven, alas largas y finas que rematan en punta, y as patas y o pico muit curtos. Os uellos, negros, son muit grans en comparanza con a cabeza y destacan por a suya mida cuan os ubren.

De días, s'acochan contra tierra u contra una rama d'árbol en perfecta quietut, con os uellos zarraus, y resulta dificil trobar-los por o suyo mimetismo. De nuez, vuelan cazando insectos. Emiten un canto caracteristico, muit potent, que resulta monotono en a mayoría d'especies.

Fan o niedo en tierra, en a selva. Nidifican en selvas de coniferas y tamién en as de planifolios, y os polletz naixen con un plumache pareixiu a'l de sus pais, o que les permite mimetizar-se en o niedo dende chicorrons.

Imáchens

• 
• 
  Pollet con o pico ubierto.
• 
  Cabeza d'un adulto de C. europaeus.
• 
  C. aegyptius.
• 
  C. asiaticus.

Vinclos externos

• Wikispecies tiene un articlo sobre Caprimulgus.
• Se veigan as imáchens de Commons sobre Caprimulgus.