Sobrecullida de Mont Albán
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Sobrecollida de Mont Albán | |
| Sobrecollida d'o Reino d'Aragón | |
| Entidat • Estato • País |
Sobrecollida Corona d'Aragón Reino d'Aragón
|
| Capital | Mont Albán |
| Subdivisions | 27 collidas (16 collidas mugants) |
| Idioma oficial | Aragonés |
| Tipo | Sobrecollida |
| Duración | Sieglos XIV-XV |
| Recauto | 5-10% |
 | |
La sobrecollida de Mont Albán estió la sobrecollida creyada en la partida oriental de Sistema Iberico perteneixient a lo Reino d'Aragón. En los primers tiempos la sobrecollida de Mont Albán teneba una función de collir impuestos sobre mercaderías que se moveban entre los reinos d'Aragón y Valencia, estando una de las suyas tablas mes importants Las Barracas de los Chaqueses. Manimenos lo sistema de sobrecollidas fue evolucionando en los sieglos XIV y XV y la sobrecollida de Mont Albán prenió funcions mes amplas a l'igual que las atras. La sobrecollida de Mont Albán plegó a ocupar un amplo y compacto territorio en lo sud de lo Reino d'Aragón.
Lo territorio de la sobrecollida de Mont Albán crebaba la continuidat territorial de la sobrecollida de Teruel (con la que mugaba a l'ueste), y tamién mugaba con la sobrecollida de Daroca (a lo norueste), la sobrecollida de Zaragoza (a lo norte), y la sobrecollida d'Alcanyiz (a lo noeste).
En 1446 las collidas que constaban como de la sobrecollida de Mont Albán yeran Alcalá de la Selva, Allepuz, Las Barracas de los Chaqueses, Bordón, Cantaviella, La Canyada de Benatanduz, La Cuba, Las Cuevas de Canyart, Fortanet, Fuents, Gúdar, La Iglesuela, Linars de Mora, Luco de Bordón, Mirambel, Mont Albán, Mora, Mosqueruela, Olba, Puertomingalvo, Rubiuelos de Mora, Sant Agostín, Tronchón, Valbona, Val de Linars, Villar Luengo y Villarroya de los Pinars. Manimenos en anyadas posteriors i adhibioron atras localidaz a costa d'atras sobrecollidas.
Bibliografía
- (es) Ramón Biel Ortín: La historia de Montalbán a través de sus divisiones administrativas. Cantalobos, primer trimestre, 2002.
- (es) Antonio Ubieto Arteta: Historia de Aragón Divisiones Administrativas, Anubar, 1983.
- (es) María Isabel Falcón Pérez: Libro del reparo del General de Aragón (1489-1498): fogajes de 1489, 1490 y 1491. Anubar, 1987
- (es) María Isabel Falcón Pérez: Aportación al estudio de la población aragonesa a fines del siglo XV. Aragon en la Edad Media, nº5, 1983, pachinas 255-302. ISSN 0213-2486.