Sufixo -dat

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O sufixo -dat provién d'o latín -TAS, -TATIS a traviés de l'acusativo -TATE(M) y se fa servir pa creyar sustantivos abstractos de qualidat a partir d'adchectivos.

A més gran part d'as parolas con este sufixo en aragonés son cultismos derivaus d'os sustantivos abstractos latinos con o sufixo -TAS, -TATIS: antigüedat^[1], ciudat, comunidat, dignidat, humanidat, unidat, verdat, ecetra. Bi ha pocos casos como mesquindat que se remonten a la fase romanz.

Actualment a pronunciación d'a -t final d'este sufixo culto se mantién en benasqués coincidindo con os usos medievals; en o resto d'as parlas altoaragonesas esta -t ya no se pronuncia, y s'escribe por razons etimolochicas y de coderencia paradigmatica (en bel puesto se documenta plurals en -tz).

Os usos d'o sufixo -dat en aragonés no siempre coinciden con os d'as luengas vicinas. A vegadas l'aragonés prefiere atros sufixos como ura ("fondura"). O sufixo -dat puet competir con o sufixo -eza ("belleza" s'escribiba beldat en o "Libro d'el Trasoro" porque traduciban dende o francés beauté, tamién s'escribe beldat en atros textos como a "Cronica de Sant Chuan d'a Penya").

Referencias

↑ (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 45. Sale escrito antiguedat sin dieresi d'acuerdo con una transcripcion que preba d'estar fonetica.

Bibliografía

(an) Academia de l'Aragonés: Propuesta ortografica de l'Academia de l'Aragonés. EDACAR, 7. Zaragoza, 2010.
(es) Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010.
(es) Chabier Tomás Arias: El aragonés del Biello Sobrarbe. Instituto de Estudios Altoaragoneses. (1999).
(es) A. Ballarín: Diccionario del Benasqués, Zaragoza, 2ª ed (1978).
(es) J.A. Saura: Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003).
(es) José Alemany Bolufer: Tratado de la formación de palabras en la lengua castellana: la derivación y la composición estudio de los sufijos y prefijos empleados en una y otra Librería General de Victoriano Suárez, 1920 p 50 [1]
(es) David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Editorial Gredos, S.A., 2002. ISBN 8424923391, 9788424923396.

Datos: Q13050237

[BENBALL-1] (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 45. Sale escrito antiguedat sin dieresi d'acuerdo con una transcripcion que preba d'estar fonetica.

[1]