Viaducto

De Biquipedia
Ir ta: navego, busca
Viaducto La Polvorilla en Salta, Archentina.
Viaducto Viello de Teruel (Teruel, Aragón), ye un eixemplo de viaducto urbán.
Un viaducto sobre o río Aar (Berna, Suiza), que ye un viaducto de ferrocarril.

Un viaducto (d'o latín via "carretera" y ducere "dirichir") ye un puent construyito ta salvar una zona más baixa de terreno (por eixemplo un barranco u val) y premitir o paso d'un camín, carretera u vía de tren.

En as grans ciudatz os viaducto son muit utiles ta dirichir o trafico tanto ferroviario como por carretera. Asinas s'emplegan muito os viaducto en ciudatz que son centros ferroviarios, premitindo asinas que unas vías puedan pasar por dencima d'atras u por dencima de carreteras u carreras. D'a mesma forma se fan servir os viaducto en as carreteras y autopistas urbanas.

Difuera d'as ciudatz os viaducto s'emplegan a sobén ta salvar obstaclos naturals que d'atra forma habrían de salvar-se con muitos más quilometros de carretera u vía u que no se podrían salvar.

O viaducto más alto d'o mundo ye o Viaducto de Millau en Francia. Disenyato por o incheniero Michel Virlogeux en colaboración con l'arquitecto Norman Robert Foster tien una altaria maxima de 343 metros que li premiten pasar o río Tarn. Fue inaugurato lo 14 d'aviento de 2004 y ubierto a lo trafico dos días dimpués.

Se veiga tamién[editar | editar código]

Vinclos externos[editar | editar código]