Toscana

De Biquipedia

Regione Toscana

Informazión
País	Italia
Zona	Italia zentral
Capital	Florenzia
President	Claudio Martini (L'Unione)
Probinzias	Arezzo Florenzia Grosseto Livorno Lucca Massa-Carrara Pisa Pistoia Prato Siena
Monezipios	287
Superfizie	22.990 km²
Poblazión  - Total  - Porzent.  - Densidat	Posizión n° 9º 3.516.296 6,1 % 153 ab/km²
Mapa
Mapa d'a situazión de Toscana en Italia

A Toscana ye una rechión situata en o zentro d'Italia. Muga con a rechión de Lazio á lo sur, Umbría á l'este, Emilia-Romaña e Liguria á lo norte, e a mar Tirrena á l'ueste. Ye una d'as 20 rechions d'Italia. A suya capital ye Florenzia, tien una superfizie de 22.990 km² e arredol de 3,6 millons d'abitants. Fan parte d'a Toscana bellas islas entre a mar de Liguria y a mar Tirrena, a prenzipal d'estas islas ye l'isla d'Elba.

Seis localidaz d'a Toscana son Patrimonio d'a Umanidat seguntes a UNESCO: O zentro istorico de Florenzia dende 1982, o zentro istorico de Siena dende 1995, a Plaza d'a Seu de Pisa dende 1987, o zentro istorico de San Gimignano dende 1990, o zentro istorico de Pienza dende 1996 e a Bal d'Orcia dende 2004.

As prenzipals ziudats d'a rechión son: Florenzia, Pisa, Siena, Lucca, Livorno, Volterra, San Gimignano y Vinci.

[editar] Economía

Ye una rechión con una economía tradizionalment basata en l'agricultura, encara que dende a segunda mitad d'o sieglo XX aparixió una chicota industria. Adinas, en 1994 nomás o 4,5% d'a poblazión autiba d'a rechión treballaba en l'agricultura.

Os prenzipals produtos agricolas son os zerials y a biña, y bi ha tamién ganadería.

Tien industria metalurchica, industria testil.

Güé o seutor terziario (os serbizios) tien un peso important (55,5 d'a poblazión autiba en 1994), por o peso d'o torismo.

Italia | Rechions
Abruzos | Bal d'Aosta | Basilicata | Calabria | Campania | Emilia-Romaña | Friuli-Benezia Chulia | Lazio | Liguria | Lombardía | Marcas | Molise | Piemont | Pulla | Sezilia | Toscana | Trentino-Alto Adigio | Umbría | Veneto | Zerdeña