Testudines

Testudines
Clasificación scientifica
Dominio: Eukaryota Reino: Animalia Filo: Chordata Superclase: Tetrapoda Clase: Sauropsida Subclase: Anapsida Orden: Testudines Suborden: Cryptodira
Subordens
Cryptodira Pleurodira Paracryptodira† Proganochelydia†

As tartugas o Testudines (antes Chelonia), son reptils caracterizaus por o feito de tener un tronco amplo y curto, protechiu por una coscarana feita porun regular por placas osias revestidas de placas cornias, y a vegadas nomás que por placas cornias.

D'a coscarana surten, por debant, a cabeza y as patas anteriors, y por dezaga, as patas posteriors y a coda. I hai tartugas que tienen a coscarana dividida en dos partes, la uno dorsalu superior y la otro ventral u inferior, unidas entre ellas.

Esqueleto de tartuga mediterrania (Testudo hermanni). Se pare cuenta en que as costiellas y parte d'o esquinazo son soldaus en a cosacarana.

La caracteristica mas important de l'esqueleto d'as tartugas ye que a columna vertebral ye soldada en a parte dorsal d'a coscarana. O esqueleto fa que a respiración no se pueda fer por movimiento d'a caixa toracica, y se leva a termin prencipalment por l'acción d'as extremidatz.

O cranio presenta caracteristicas muit primitivas. No en tiene, de dients, pero sí una bariella esmolada, semellant a un pico.

A reproducción ye ovipara y a incubación la fa a radiación solar.

Ye proverbial a gran lonchevidat d'as tartugas. Bellas especies puede vivir mas de 100 anyos.

En i hai que son de tierra y en i hai d'augua, marinas u d'augua dulza. As marinas tienen as extremidatz transformadas en aletas y as aquaticas os didos unius por un telo.

Clasificación

Sinapomorfías

As tartugas s'agrupan seguntes as siguients sinapomorfías:

• Dermatocranio (teito dermico) sin finestras
• Tienen placas osias exteriors
• No tienen espineta ni parte esternal d'as costiellas
• Ausencia d'elementos dermicos en a cintura escapular
• Musclos adicionals t'alentar
• Masclo con pene impar

Taxonomía

Testudo graeca u tartuga griega

Terrapene carolina major

Dermochelys coriacea

Tartuga berda marina, Chelonia mydas

Eretmochelys imbricata

As tartugas (orden testudines) se subdividen en quatro subórdens, dos d'ells ya extintos:

Suborden Paracryptodira †

Suborden Proganochelydia †

Suborden Cryptodira

• Familia Chelydridae
• Familia Meiolaniidae (Meyolania, †

• Superfamilia Chelonioidea (Tartugas marinas)

• Familia Protostegidae †
• Familia Thalassemyidae †
• Familia Toxochelyidae †
• Familia Cheloniidae (tartugas verdas y semellants)
• Familia Dermochelyidae

• Superfamilia Kinosternoidea

• Familia Dermatemydidae (tartugas de río)
• Familia Kinosternidae
• Familia Platysternidae

• Superfamilia Testudinoidea

• Familia Haichemydidae †
• Familia Lindholmemydidae †
• Familia Sinochelyidae †
• Familia Emydidae á ista familia perteneixe Emys orbicularis un galapago autoctono d'Aragón y tamién o galapago de Florida u tartuga d'orellas royas (Trachemys scripta), que i ye tamién muit común como animal de companyía.
• Familia Geoemydidae á ista familia perteneixe Mauremys leprosa un galapago autoctono d'Aragón.
• Familia Testudinidae como a tartuga d'os Galapagos

• Superfamilia Trionychoidea

• Familia Adocidae †
• Familia Carettochelyidae
• Familia Trionychidae

Suborden Pleurodira

• Familia Araripemydidae †
• Familia Proterochersidae †
• Familia Chelidae

• Superfamilia Pelomedusoidea

• Familia Bothremydidae †
• Familia Pelomedusidae
• Familia Podocnemididae

† Clade extinto

A tartuga en a cultura

A tartuga ye l'animal d'a lentitut por excelencia en as fablas y satiras occidentals (ilustración d'o prencipio festina lente). Manimenos en a part de China simboliza o saber, a inmortalidat y a tierra.

Emitando a suya coscarana, os romans clamaban tartuga a una formación esfensiva an que totz os escudos cobriban por dencima a os soldaus. Por extensión, una maquina de setio meyeval tamién se pasó a decir tartuga.

En a ficción destacan as Tartugas Ninja y o Follet Tartuga (de Bola de Dragón) en debuixos animaus. Terry Pratchett ubica tot o suyo mundo sobre una coscarana de tartuga. Os enemigos d'os videochuegos de Mario Bros (Koopa Tropa y similars) son tartugas antropomorfas.

Se veiga tamién

• Emydidae
• Tartuga d'estaño u galapago europeu (Emys orbicularis)
• Tartuga mediterrania (Testudo hermanni)
• Tartuga griega (Testudo graeca)
• Tartuga chigant d'as Galapagos (Geochelone nigra)
• Tartuga verda marina (Chelonia mydas)
• Se veigan as imáchens de Commons sobre tartugas.