Emydidae

Emydidae
Emys orbicularis.
Clasificación scientifica
Dominio: Eukaryota Reino: Animalia Filo: Chordata Clase: Sauropsida Orden: Testudines Suborden: Cryptodira Superfamilia: Testudinoidea Familia: Emydidae
Subfamilias
Emydinae Deirochelynae

As emydidae u emididas son una familia de tartugas que inclui 51 especies, que surtioron en l'Oligoceno. Cuasi totz os suyos cheneros tienen representant actuals. Son tartugas aquaticas u semiaquaticas y gosan habitar en auguas dulces de basas, barrancos, entibos, etz. Ista mena de tartugas son clamadas tamién galapagos u calapacos.

Una d'as dos especies de tartugas autoctonas d'Aragón perteneix a ista familia. Ye a especie Emys orbicularis, (galapago europeu u tartuga d'arrigachuelo), més espardida y a més de costumbres més esquivos. En zaguerías, istos animals son veyendo minguada la suya aria de destribución per l'efecto desastroso d'as aliberacions de tartugas americanas d'a especie Trachemys scripta (galapago de Florida u tartuga d'orellas royas) que son cautivadas muit a sobén como animals de companyía pero quan se fan grans s'aliberan irresponsablement en as zonas humidas. Istas especies, que tamién fan parte d'a familia d'as Emydidae gosan reproducir-sen més que no as tartugas autoctonas y a més, compiten con ellas per l'alimento.

Masclo de galapago de Florida (Trachemys scripta elegans) en cautividat.

Clasificación

Familia Emydidae

• Subfamilia Emydinae
  • Chenero Emydoidea
  • Chenero Emys
  • Chenero Clemmys
  • Chenero Terrapene

• Subfamilia Deirochelyinae
  • Chenero Deirochelys
  • Chenero Chrysemys
  • Chenero Graptemys
  • Chenero Malaclemys
  • Chenero Pseudemys
  • Chenero Trachemys

Vinclos externos

• Se veigan as imáchens de Commons sobre emididas.
• Web d'a Universidat de Michigan (EEUU) sobre diversidat animal
• O galapago europeu (Emys orbicularis)