Tbilisi

Tbilisi თბილისი
Localidat de Cheorchia
Anvista de Tbilisi con a seu de Sameba.
Estato  • Municipio	Cheorchia Tiblisi
Superficie	726 km²
Población  • Total	1.480.000 hab. (2006)
Altaria	575 m.
Ríos	Río Mt'kvari
Situación de Tbilisi en Cheorchia.
www.Tblisi.gov.ge

Tbilisi u Tblisi (თბილისი en cheorchián y oficialment, Tiflis en persa), ye una ciudat cheorchiana, que ye a capital d'o país y temién en ye a ciudat con mayor numero d'habitants, a mas d'o suyo prencipal centro politico, cultural, comercial y economico.

A suya población ye d'1.480.000 habitants en una superficie de 726 km², con una densidat de población de 2.038,60 hab/km².

A ciudat ye trescruzata por o río Mt'kvari y se troba situata a 575 metros d'altaria dencima d'o ran d'a mar.

Historia

Enta l'anyo 1800, quan se produciba a conquiesta rusa a población de Tbilisi yera formata por cheorchians, armenios, persans y kurdos principalment y bien chusto si pasaba d'os 20.000 habitants. En o sieglo XIX plegó muita inmigración armenia y rusa esdevenindo una capital local por estar a seu d'o bisorrei que teneba o Imperio Ruso en a zona. Tbilisi yera una ciudat predominantment armenia y rusa y a población armenia yera tan lumerosa que l'alcalde de Tbilisi enantes d'a primera Guerra Mundial yera armenio. Manimenos quan se desfació a Republica de Transcaucasia y os armenios y cheorchians entroron en conflicto por as suyas mugas territorials, a mayoría d'os armenios en fuyoron en 1918. Encara en 1989, os armenios yeran o 12 % d'a población, os rusos o 10% debant d'una población mayoritariament cheorchiana.

Bibliografía

• Jean Sellier y André Sellier: Atlas de los pueblos de Oriente. Acento Editorial.

Vinclos externos

• Se veigan as imáchens de Commons sobre Tibilisi.
• Pachina web oficial municipal de Tibilisi.