Reykjavík

De Biquipedia
Ir ta: navego, busca
Reykjavík
Reykjavík
Localidat d'Islandia
Bandera
Anvista panoramica de Reykjavík dende a Hallgrímskirkju
Anvista de Reykjavík dende a Hallgrímskirkju.
Estato Flag of Iceland.svg Islandia
Superficie 274,50 km²
Población
 • Total

117.898 hab. (2008)
Reykjavík en Islandia
www.rvk.is

Reykjavík ([ˈreiːcaˌviːk], en islandés, a badía d'as fumatas) ye una ciudat islandesa, que ye a capital d'Islandia, y a capital más septentrional d'o mundo, a 64° 04' de latitut norte, a man d'o Cerclo polar arctico: bellas semanas cada anyada nomás bi ha luz diurna quatro oras en hibierno, y en verano no bi ha nueit.

A suya población ye de 117.898 habitants, en una superficie de 274,5 km², con una densidat de población de 429,50 hab/km². Ye a población con mayor numero d'habitants d'o país (i vive a mitad, alto u baixo, d'a población islandesa, incluyindo-ie as localidatz d'a suya aria urbana, Kópavogur y Hafnarfjörður. Ye asinas un centro politico, cultural, comercial, industrial y economico d'o país, que concentra as suyas institucions politicas, as bibliotecas, os museus, as universidatz, as oficinas centrals d'os medios de comunicación d'o país, os teatros, as orquestas, os tribunals, as instalacions esportivas, as infraestructuras de transporte aerio y maritimo y as solencas fabricas d'o país.

A ciudat ye en o mesmo lugar a on en 874 s'instaloron os primers colons noruegos conducitos por Ingólfur Arnarson, encara que a constitución d'o municipio no estió dica 1786. En o suyo centro historico bi ha l'edificio d'o Parlamento d'Islandia (de 1881), a Biblioteca Nacional d'Islandia y o Teatro Nacional d'Islandia. A Universidat d'Islandia, a Casa Nordica (obra d'Alvar Aalto) y o Museu Nacional d'Islandia se troban en un vico aparte.

Reykjavík tien quantas ilesias y una seu bispal, amás d'a Hallgrímskirkja, l'edificio de mayor altaria d'Islandia.

Vinclos externos[editar | editar código]