Reino de Zerdeña

De Biquipedia

O Reino de Zerdeña estió un estato situato arredol d'a isla de Zerdeña mientres más de zinco sieglos. Anque en a suya istoria encluyó atros territorios como Corzega u Saboya, o estato siempre se dizió reino de Zerdeña. Antis de que s'establiese a monarquía en a Zerdeña, a isla yera dibidita en chuzgatos que yeran gubernatos por chudezes.

O primer reino fue creyato por Frederico I Barbarroya en 1164. Formaba parti por aquellas embueltas d'o Sacro Imperio Román Chermanico, anque a soberanía imperial sobre Zerdeña yera desputata por o Papato. En 1297, o Papa Bonifazio VIII creyó un nuebo reino ta soluzionar os pleitos entre a Corona d'Aragón e la casa d'Anchú dimpues d'as Bispras Sezilianas. O nuebo rei estió Chaime II d'Aragón.

En 1718 a casa de Saboya alquirió lo reino e dende l'inte a capital de facto estió Turín. Á sobent se fa referenzia á lo estato d'iste periodo como lo Reino de Piemont-Zerdeña. Aintro d'as suyas mugas encluyeba, á más d'a isla de Zerdeña, Saboya, Piemont e lo Condato de Niza. En 1792 e dimpués d'a Reboluzión Franzesa, o ducato de Saboya orichinal fue ocupato e se conbirtió en o departamento franzés de Mont-Blanc, pero en 1814, con o congreso de Biena, o rei recuperó as suyas posesions e á más otenió tamién, en 1815, o control d'a Republica de Liguria.

En 1860 Niza e Saboya se zedioron á Franzia por l'aduya que iste país eba dato en a campaña d'unificazión d'Italia. En 1861, o reino de Zerdeña se conbirtió en un d'os fundadors d'o nuebo Reino d'Italia, e dende allora desaparexió como estato independient.

Corona d'Aragón
Aragón | Cataluña | Balenzia | Mallorca | Nápols | Sezilia | Zerdeña | Atenas | Neopatria | Señoría de Montpeller