Río Ubangi

De Biquipedia
Ir ta: navego, busca
Ubangi
O río Ubangi a man de Bangui
O río Ubangi a man de Bangui.
Administración
Estatos Flag of the Central African Republic.svg Republica Centroafricana
Flag of the Democratic Republic of the Congo.svg Republica Democratica d'o Congo
Flag of the Republic of the Congo.svg Republica d'o Congo
Territorios {{{territorios}}}
Cheografía
Longaria 2.272 km
Altaria d'o naixedero  m
Naixedero Unión d'os ríos Mbomou y Uele
Desembocadura Río Congo
Hidrolochía
Superficie d'a cuenca 754.830 km²
Cabal meyano 5.936 m³/s
{{{mapa}}}

O río Ubangi ye un río africán, afluent d'o río Congo (en ye un d'os suyos afluents prencipals). O suyo naixedero ye en a unión d'os ríos Mbomou y Uele y a suya desembocadura ye en o río Congo, dimpués d'un recorrito d'una longaria de 2.272 km en trescruzando a Republica Centroafricana, a Republica Democratica d'o Congo y a Republica d'o Congo. Ista longaria ye calculata en sumar a o río o recorrito d'o suyo afluent o río Uele; dende a confluencia d'o Uele con o Mbomou, a suya longaria ye nomás de 1.120 km.

A superficie d'a suya cuenca hidrolochica ye de 754.830 km², y o suyo cabal en a confluencia con o río Congo ye de 5.936 /s.

Dende o suyo naixedero, o río marcha ta l'ueste 350 km, dimpués ya o sudueste, en trescruzando Bangui, a capital d'a Republica Centroafricana, y dimpués marcha ta o sud arredol de 500 km dica a suya confluencia con o río Congo. Dende o suyo naixedero dica bells 100 km dimpués de Bangui, o río Ubangi fa de muga entre a Republica Centroafricana y a Republica Democratica d'o Congo, ta dimpués estar a frontera entre iste segundo país y a Republica d'o Congo dica desauguar en o río Congo.

O río Ubangi ye navegable en o suyo curso baixo y meyo, dica Bangui, con linias regulars de transporte fluvial dende Brazzaville y Kinshasa, en o río Congo.

Vinclos externos[editar | editar código]