Quercus suber

Quercus suber
Quercus suber
Clasificación scientifica
Dominio: Eukaryota Reino: Plantae División: Magnoliophyta Clase: Magnoliopsida Orden: Fagales Familia: Fagaceae Chenero: Quercus Especie: Quercus suber
Nomenclatura binominal
Quercus suber
L.
Mapa d'a distribución posible d'o Quercus suber on bi haiga un suelo y clima adequatos.

Quercus suber ye un árbol caracteristico d'as selvas mediterranias que creixe sobre suelos silicios en os países d'a cuenca mediterrania occidental. Tien importancia economica porque se n'extraye o zuro.

Quercus suber / Portugal

Fitonimia

Quercus suber no se troba en l'Alto Aragón y d'astí que en aragonés actual no existe una denominación vernacla pa este árbol. Tecnicament a denominación carrasca zurera sería posible en qualsiquier parla altoaragonesa.

No bi ha estudeos fitonimicos sobre cómo se diz a esta especie en as pocas localidatz d'Aragón on creixe esta especie (Sestrica y Olba) y se charró l'aragonés en a Edat Meya, manimenos en o lexico comercial aragonés d'o sieglo XV trobamos alcornoc.

Tamién en o libro "Grant Cronica d'Espanya", compilación historica de Chuan Ferrández d'Heredia:

& a(n)tiguam(en)t las gentes de aquella tierra no sabie(n) sembrar simie(n)tes. ni pla(n)tar uinyas. ni sabien fazer casas. ni fornos. ni molinos. & habitaua(n) en cueuas dius tierra. Et en barracas de ramas. & uiuien como gentes bestiales. por que no uiuie(n) sino de carne. & de leche. & de yerbas. & de fruytas saluages es a saber billotas de carrasca & de roure & de alcornoch. & de pomas. & de peras. & de todas ot(r)as fru[^i]tas delas quales ha gra(n)t habunda(n)çia en aquella tierra. Saturno mostroles a sembrar simie(n)tes