Punda de ras Argualas

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Punda de ras Argualas
Pico de Argualas
Situación
Situación Pandicosa (Uesca)
Latitut
Lonchitut
Vértiz cheodesico Error d'expresión: operador / no asperau/0.pdf
Cheografía
Cordelera Pireneu axial
Sierra
Macizo Pandicosa
Altaria 3.046 m
Alpinismo
Primera puyada Capitán Vicente de Heredia en 1791
Ruta mas fácil
Mapa

A punda de ras Argualas (en castellano Pico de Argualas) ye una tuca pirenenca aragonesa que se troba situata en l'Alto Galligo, en o municipio de Pandicosa. Tien una altaria de 3.046 metros.

A primera puyada la fació en 1791 o capitán Vicente de Heredia. En a suya expedición construyó una fita de piedras dita sinyal d'Estibiecha, encara que no se sabe si lo fació en a punda de ras Argualas u como afirman atros autors en l'amanada punda de ra Liana.

A estación d'esquí d'Aramón Formigal fa itinerarios d'eliesquí por os Infiernos, Garmo Negro y o pico de ras Argualas.[1]

Toponimia[editar | modificar o codigo]

En o centro o pico deras Argualas (dreita) chunto a o Garmo Negro (ezquierda) dende Fornigal.

L'orichen d'iste toponimo encara no ye guaire claro. Asinas William Dennis Elcock, en a suya obra "Toponimia del Valle de Tena"[2] sinyala que podría estar formau por a palabra latina "ARVUM" (campo) y o diminutivo "-uala", fendo asinas referencia a un chicot prau de montanya.

D'atra man, Jesús Vázquez Obrador afirma en a suya obra sobre a "Toponimia de Sobremonte (Huesca) III: El Espacio agrícola"[3] que o toponimo puet derivar d'a palabra "aruela", derivada d'a voz latina "AREOLA", emplegando una vegada mas o diminutivo "-uala", significando "puesto con poca vechetación a on creixe hierba curta y fina que se fa servir ta alimentar a o ganau".

Referencias[editar | modificar o codigo]

  1. www.skiarias.com.
  2. (es) "Toponimia del Valle de Tena". William Dennis Elcock. Pach. 308
  3. "Toponimia de Sobremonte (Huesca) III: El Espacio agrícola". Jesús Vázquez Obrador. Pach. 147

Vinclos externos[editar | modificar o codigo]


 
3000 - Pandicosa / Sallent de Galligo
Agulla d'Ussel | Argualas | Arnals | Breca | Casterillet | Corral | Faixa | Frondiellas | Garmo Blanco | Garmo Negro | Garmo Negro de ras Argualas | Garmo de Pondiellos | Liana | Moros | Nevera | Pondiellos