Cordelera
Una cordelera ye un conchunto de montanyas y sierras de caracteristicas pareixitas u diferents pero que tienen relación en o suyo proceso de formación. Con muita més amplaria que una simple sierra, as cordeleras gosan estar més luengas que amplas.
O termin "cordelera" ye cheografico. En cheolochía moderna se prefiere fer servir cada vegata més o termin "orocheno", a lo menos en cheodinamica interna y estudeyos de tectonica global, encara que no son termins sinonimos de tot.
Eixemplos de cordeleras tenemos o Sistema Iberico, os Pireneus y a Cordelera Costero Catalana u Catalanides, que tienen nuclios herzinicos, pero que deben a suya configuración actual sobretot a la orochenia alpina, quan os suyos materials s'alzoron dende o fondo ocianico por a rotación d'a placa iberica y a colisión con a placa euroasiatica.
Cordeleras muito més luengas son as Montanyas Rocosas, os Andes, y o Himalaya.
