Os Banyos de Pandicosa

Os Banyos de Pandicosa
Localidat d'Aragón
Entidat  • País  • Provincia  • Comarca  • Municipio	Lugar Aragón  Uesca Alto Galligo Pandicosa
Población  • Total	10 hab. (2001)
Altaria	1.630 m.
Distancia  • 102 km	enta Uesca
Codigo postal	22661
Parroquial  • Diocesi  •Arciprestato	Chaca Biescas
Ríos	Caldarés

Os Banyos de Pandicosa son un balneyario aragonés situato en o municipio de Pandicosa, en a comarca de l'Alto Galligo y provincia de Uesca, a 1.630 metros d'altaria sobre o ran d'a mar, y a 102 km de distancia de Uesca, a capital d'a suya provincia.

Cheografía

L'acceso a o balneyario se fa por a carretera A-2606 dende Pandicosa, situata a una distancia de 8 km. Dende Occitania o paso tradicional ye o puerto de Marcadau, que comunica Os Banyos de Pandicosa con a val de Marcadau y o balneyario biarnés de Cauterets.

Bi ha una fondata de sobreexcavación glaciar ocupata por un entibo.

Historia

Os Banyos en primerías d'o sieglo XX

Os romans d'o tiempo de Augusto y Tiberio ya conoixeban y emplegaban as auguas termals d'ista redolada.

En l'anyada 1286 Pero I d'Aragón concede o mont Plan d'Ibón, a on se i troba hue o balneyario, a o quinyón de Pandicosa. Dimpués mientres muitos anyos as auguas termals permaneixen olvidatas dica o sieglo XVII.

O primer edificio d'o balneyario se construye en 1694 y en as primeras anyadas d'ixe siglo se recupera a tradición termal.

Más tardi, en 1826, o rei Ferrando VII espropia os banyos a o quinyón y li atorga os dreitos d'espleitación a Don Nicolás Guallart dica 1854.

En o sieglo XIX se construyen os prencipals edificios y chardins por parti d'a interpresa Auguas de Pandicosa, S.A y mientres a primera metat d'o sieglo XX a-saber-las personas ilustres como Alifonso XIII, Niceto Alcalá Zamora, José Ortega y Gasset, Santiago Ramón y Cajal, Miguel Primo de Rivera, Perico Chicote, Zarra, Iriondo u Panizo i plegan a o balneyario. A mas en 1966 ye declarato d'Intrés Toristico Nacional.

Agora, a interpresa urbanística "Nozar" ye remozando os edificios y fendo-ne beluns mas. Obras que pretenden atrayer a población d'alto poder alquisitivo.

Esquí nordico

Se puet fer esquí nordico en pistas habilitatas por tot o balneyario. Bi un cercuito de 5,5 kilometros de ran enantato, unatro 3,8 de ran meyo, y atro 2,5 ta prencipiants y un cercuito d'skating.