Postre
De Biquipedia
O postre ye o plato dulze que se mincha á la fin d'a comida, encara que a sobent tamién se mincha fruta, más que más en berano que bi ha más bariedat; cuan se fabla de postres quiere dizir bella preparazión dulze, bien sigan cremas, tartas, pastels, chelatos, bombons, ezetra.
[editar] Postres en Aragón
En Aragón bi ha asabelos postres arredol d'a suya cheografía. Bels exemplos de postres d'Aragón son istos:
- As frutas d'Aragón que ya se feban dende a epoca romana cozendo-las en charabe ta conserbar-las, dimpués se cubrioron con chicolate.
- Os sospiros d'o monesterio de Casbas: tipicos d'a localidat de Casbas de Uesca, son una mezcla de claras de güego á punto de nieu y zucre.
- As tortas de l'alma d'o Mayestrato, son feitas de farina de trigo, zucre, azeite d'oliba, matafalúa, mistela y "alma", una mermelada de carbaza feita nomás con zucre y miel.
- O coc de Fraga feita con pasta de farina que fermenta y se emplena de fruta fresca u frutos xutos.
- A trena d'Almudebar ye una pasta de refollato emplena de frutos xutos, pansas, nuezes y almendra.
- Os pastillos de carbaza d'a Zinca Meya.
- As almojábanas de Daroca, Albarrazín y o Mayestrato son unos lamins de orichen arabe, replenos de crema. En Albarrazín son ditas Almojábanas de Ben Razín.
- As piedrecicas d'o Calbario d'Alcorisa son carambels con miel, zucre y almendra bañatos en chicolate.
- Os crespillos (Semontano de Balbastro), crespells en Bal de Robres de borraina rebozata e frita, denzima se i puet posar miel u zucre.
- O presco con bin.
- As castañas de marzapán de Uesca.
- O mostillo de remolacha de Cantabiella u Osella
- O pan de figos, orichinario d'as tierras d'a Zinca Baxa
- O pastel ruso de Uesca.
- Os chaqueses de Chaca, un pastel de bizcocho con nata u crema.
- O pastel Biarritz de Balbastro, un pastel feito de güegos, zucre y almendras.
