Plebia azeta
De Biquipedia
La plebia azeta se forma cuan la umidat en l'aire se combina con l'ocsido de nitrocheno e lo diocsido de zufre emesos por fabricas, zentrals eletricas e beíclos que creman carbón u produtos deribatos de lo petrólio. En interazión con la bapor d'augua, estos gases forman azeto sulfurico e azeto nitrico. Á la fin, estas sustanzias quimicas cayen á la tierra acompañando á las prezipitazions, costituindo la plebia azeta.
Los contaminants atmosfericos primarios que orichinan la plebia azeta pueden recorrer grans distanzias, los bientos los trasladan zientos u mils de quilometros enantes de prezipitar en forma de ruxío, rosata, plebia, piedra, nieu u boira. Cuan la precipitazión se produze, puet malmeter muito lo meyo ambient.
La plebia normal por un regular presenta un pH de d'alto u baxo 5.65 (un poquet azeto) por lo CO2 atmosferico, que forma azeto carbonico, H2CO3. Se considera plebia azeta si presenta un pH de menos de 5 e puet plegar á lo pH de lo binagre (pH 3). Estos balors de pH s'alcanzan por la presenzia d'azetos fuertes como l'azeto sulfurico, H2SO4, e l'azeto nitrico, HNO3. Estos azetos se forman á partir de lo diocsido de zufre, SO2, e lo monocsido de nitrocheno, que reazionan con l'augua e forman azetos.
Los idrocarburos e lo carbón usatos como fuent d'enerchía, en grans cantidaz, pueden tamién produzir ocsidos de zufre e nitrocheno.
