Vinagre

De Biquipedia
Ir ta: navego, busca
Vinagres con especias

O vinagre (en aragonés medieval, aceto) ye un liquido miscible en augua, con gusto agro por o suyo contenito d'acido acetico. Quan procede d'a fermentación d'o vin tien una color royisca, pero tamién n'existen d'a fermentación d'atros productos con atras colors.

S'emplega chunto a l'aceite ta apanyar verduras y vechetals. Antimás d'o uso gastronomico, tamién s'emplega ta limpiar veires y esfurriar os mosquitos.

Etimolochía[editar | editar código]

Vien d'o latín VINUM ACRE, que ha dato en luengas galo-romances vinaigre, u en catalán vinagre. En aragonés orichinal se diz aceto, pero ya en 1160 bi ha referencias a vin agre en textos latins que s'escriben en Aragón:

et II solidos de diners et VIII diners in carne, et III diners allia, cepas et vin agre

Seguntes Menéndez Pidal a parola vinagre ye una parola d'o latín galico u un galicismo que s'introdució antigament en Aragón y sustituyó a la parola aceto.[1]

Seguntes Sesma y Líbano y Gual, o presunto catalanismo vinagre sustituyó la parabra castiza aceto en la Val de l'Ebro, on i heba muita tradición de fer vinagre.

Referencias[editar | editar código]

  1. Ramón Menéndez Pidal El español en sus primeros tiempos. Espasa-Calpe, 1957 [1]