Perifrasis berbal
De Biquipedia
Un u más biquipedistas son treballando autualment enamplando iste articlo.
Ye posible que, por ixo, bi aiga lagunas de contenito u defizienzias de formato. Por fabor, antis de reyalizar correzions mayors u reescrituras, contaute con els en a suya pachina d'usuario u a pachina de descusión de l'articlo ta poder coordinar-ne a redazión.
Las perifrasis berbals son estruturas formatas por un berbo ausiliar (conchugato), una particla d'enlaze (que puet mancar) e un berbo en forma berbal impresonal (enfinitibo, cherundio u partizipio de pasato).
Lo conchunto tien un sennificato unitario que ye diferent que la suma de cadagún de los components e s'ha d'analizar como un tot. N'este sentito, los components d'una perifrasis berbal actuan chuntos. Las perifrasis berbals permiten matizar l'azión no només que con los tiempos (present, pasato e futuro) e de los modos (endicatibo, sozchuntibo), que s'espresan con la conchugazión, ye dizir con los morfemas que se meten a lo final de la radiz berbal. Se considera que las perifrasis berbals matizan l'aspeuto berbal (perifrasis aspeutuals) o lo modo (perifrasis modals).
Lo berbo ausiliar gosa estar un berbo lichero, como los copulatibos (ser, estar), lo berbo comodín u proberbo (fer), los berbos basicos de mobimientos (ir, benir) e belatro que, por lo suyo sennificato, aduyen a matizar l'azión (arribar/plegar, acabar/rematar, continar, encomenzar, tornar, deber, gosar, poder, ezetra). Por un regular se considera que los berbos ausiliars pierden lur sennficiato (desemantizazión u gramaticalizazión), encara que a vegatas només bi ha una chicota perduga de sennificato.
En la eboluzión dende lo latín ta las luengas romanzes bels tiempos berbals romanzes aparixioron a partir de perifrasis berbals. Ye o caso de lo futuro d'endicatibo (BERBO + Present d'HABERE) e lo condizional (BERBO + Pasato imperfeuto d'HABERE).
En aragonés oriental s'emplega una perifrasis pa endicar lo pasato perfeuto simple (Present d' ir + INFINITIBO). E se considera que ye d'orichen catalán, car en catalán meyebal no s'escribiba e no gosa amanixer en testos anteriors a lo sieglo XVIII.
