Perifrasi verbal

De Biquipedia
Ir ta: navego, busca

Las perifrasis verbals son estructuras formatas por un verbo auxiliar (conchugato), una particla d'enlace (que puet mancar) y un verbo en forma verbal impresonal (infinitivo, cherundio u participio de pasato).

Lo conchunto tien un significato unitario que ye diferent que la suma de cadagún de los components y s'ha d'analizar como un tot. N'este sentito, los components d'una perifrasi verbal actuan chuntos. Las perifrasis verbals permiten matizar l'acción no només que con los tiempos (present, pasato y futuro) y de los modos (indicativo, subchuntivo), que s'expresan con la conchugación, ye dicir con los morfemas que se meten a lo final de la radiz verbal. Se considera que las perifrasis verbals matizan l'aspecto verbal (perifrasis aspectuals) o lo modo (perifrasis modals).

Lo verbo auxiliar gosa estar un verbo liuchero, como los copulativos (estar-ser u ser puro), lo verbo comodín u pro-verbo (fer), los verbos basicos de movimientos (ir, venir) y belatro que, por lo suyo significato, aduyen a matizar l'acción (arribar/plegar, acabar/rematar, continar, encomenzar, tornar, deber, gosar, poder, ezetra). Por un regular se considera que los verbos auxiliars pierden lur significato (desemantización u gramaticalización), encara que a vegatas només bi ha una chicota perduga de significato.

En la evolución dende lo latín ta las luengas romances bells tiempos verbals romances apareixioron a partir de perifrasis verbals. Ye o caso de lo futuro d'indicativo (VERBO + Present d'HABERE) y lo condicional (VERBO + Pasato imperfecto d'HABERE).

Perifrasis verbals en l'aragonés[editar | editar código]

Gnome-searchtool.svg
Ta más detalles, veyer l'articlo Perifrasis verbals en l'aragonésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Las perifrasis verbals se pueden clasificar en modals, temporals y aspectuals[1].

En aragonés bi ha perifrasis con lo verbo fer[2] que pueden estar modals d'obligatoriedat como fer cayer u fer fuyir u aspectuals causativas como fer freyir, fer bullir y fer cocer[1]

En aragonés oriental s'emplega una perifrasi con lo present de lo verbo ir seguiu de lo infinitivo pa indicar lo pasau perfecto simple. Lo pasau perfecto perifrastico se gosa considerar que ye d'orichen catalán, car en catalán medieval no s'escribiba y no gosa amaneixer en textos anteriors a lo sieglo XVIII. Manimenos tamién se documenta en variants actuals de l'occitán u en francés medieval, por lo que en tot caso ye un caracter galo-romanico.

Referencias[editar | editar código]

  1. 1,0 1,1 (es) Chabier Lozano Sierra, Ángel Lois Saludas Bernal: Aspectos morfosintácticos del belsetán, 2005, Gara d'Edizions, pp 103-105
  2. (es) Brian Mott: Nuevas precisiones sobre el verbo fer en el habla de Gistaín. Archivo de Filología Aragonesa, LII-LIII. Zaragoza, 1997. 127-151

Se veiga tamién[editar | editar código]