Penyalba de Bellestar
Penyalba de Bellestar ye un santuario politeista que i heba en o termin municipal de Bellestar (Comunidat de Teruel, Aragón).
I heba cultos solars y yera sagrato pa ibers, celtibers y romans. Achunta a tradición d'arte esquematico autoctona con a tradición celtibera.
Bi ha representacions solars, de vueitres como animals psicopombos y de dioses, a más d'inscripcions en latín y celtibero.
En una d'ixas inscripcions i sale o dios Lug, de caracter solar, y a familia Turos, relacionata con muitos toponimos teruelanos como o mesmo Teruel, y talment con a mesma radiz celta d'on provién Zúrich
Bellas inscricions y gravatos que i heba en un puesto con arena blanca los quitó l'arqueologo calazeitán Joan Cabré, que los vendeba a los museus. Joan Cabré permitió asinas que se conoixesen y se conservasen millor beluns d'os que encara quedan en o suyo puesto inicial, an que predominan os grafiti d'o sieglo XX.
En l'aria an que os gravatos se facioron en roca calsinera dura bi ha pocas inscripcions, y Cabré se'n levó pocas cosas. En muitos d'ixos gravatos bi ha cruces sobreimpostatas que se pueden calendar de tiempos baixoimperials de cristianizazión forzata.
