Galas

Cymru Wales
(En detalle) (En detalle)
Lema nacional: Cymru am byth (en galés: Galas ta cutio)
Himno nacional: Hen Wlad Fy Nhadau (en galés: Viello país d'os mios pais)
Capital  • Población	Londres 7.517.700
Mayor ciudat	Caerdydd
Idiomas oficials	Anglés
Forma de gubierno Reina Primer Menistro	Monarquía constitucional Isabel II Rhodri Morgan
Unificación por Gruffydd ap Llywelyn	1056
Superficie  • Total	Posición º 20.779 km²
Población  • Total  • Densidat  • Densidat	Posición º 2.903.085 140 ab./km² 140 hab/km²
PIB (PPA)  • Total (2005)  • PIB per capita	Posición º USD 196.388 millones
Moneda	Libra esterlina (£, GBP)
Chentilicio	galés
Zona horaria  • en Verano	UTC UTC+1
Dominio d'Internet	.uk
Codigo telefonico	++44
Prefixo radiofonico
Codigo ISO
Miembro de: Reino Unito

O país de Galas (en galés Cymru, en anglés Wales) ye una d'as nacions que forman o Reino Unito. Ye situato a l'ueste d'a isla de Gran Bretanya y tien una población total de 3,1 millons de presonas. A capital y ciudat más gran ye Caerdydd u Cardiff (305.000 habitants).

Os ciudadans de Galas esleyen representants a l'Asambleya Nacional galesa y a o Parlamento britanico de Londres. O chefe d'o gubierno en Galas ye o Primer menistro (First Minister).

Toponimia

Wales provien d'o etnonimo walhos con o que os pueblos chermanicos denominaban a los galos primero, a los galorromans dimpués y a la fin a totz os pueblos romanizatos d'o Imperio Román. Esta denominación se remonta a los antigos volcos centroeuropeus, un d'os primers pueblos celtas que se troboron os chermans en a suya expansión enta os sur.

O exotoponimo Galas ye bien documentato en textos meyevals aragoneses y navarros, y coincide con o exotoponimo en occitán d'on talment ye preso:

Et el tercero fiio el princep Johan se nombró micer Ruberto, & fue muerto à la batalla de Pitieus, do fue preso el rei Johan de Francia por el princep de Galas & sus Ingleses

acordáronse otra vez con los de Galas et de Escoçia et de Noruega et de Yrlanda et Nort Unbertlanda, et vinieron a Anglaterra, et conquerieron la más de la terra.

enta el Princep de Gallas, trezientos florines de Florença, et agora retornado, nos aya dicho que vltra la dicha quantia...

O nombre clasico de Galas ye Cambria y lo trobamos en a "Grant Cronica d'Espanya", compilación historica de Chuan Ferrández d'Heredia:

Et bruto hauia conocido carnalme(n)t / ignoge(n) muller suya. & hauia enge(n)drados .iij. nobles fijos clamados / lotrin / albanacto. & kamber. Et ap(re)s de .xx. & .iiijo. anyos que Bruto fue arribado enla ysla murio. Et sot(er)raron lo sus fijos dentro la Ciudat que hauia hedificada / & departiero(n) ent(r)e si el Regno Locrin qui era primogenito / possidio la meitat d(e)la ysla que despues fue dicha por su no(m)bre loegria. Kamber possedio aq(ue)lla partida qui es ultra el Rio de sabrin qui agora es clamada Gaulia / la q(u)al gra(n)t tiempo apres fue dicha kambria porel nombre de kamber por que encara la ge(n)t de aq(ue)lla tierra en le(n)gua bretanica le dizen kambro. mas albanacto qui era(^s) mas iouen possidio la tierra qui en n(uest)ro tiempo es clamada scocia / Emp(er)o grant t(iem)po fue dicha albania / porel nombre de albanacto