Monzalbarba

De Biquipedia

Monzalbarba
Rehimiento de Pontoneros
Comunidat autonoma	Aragón
Probinzia	Zaragoza
Redolada	D.C. Zaragoza
Monezipio	Zaragoza
Codigo postal	50120
Superfizie	{{{superfizie}}} km²
Altaria	204 m.
Distanzia	11 km enta Zaragoza
Poblazión	1.691 ab. (2006)
Monzalbarba en o monezipio de Zaragoza
Río	{{{río}}}

Monzalbarba ye un bico rural de Zaragoza, pertenexient á lo destrito d'os Bicos Rurals Ueste. Ye situato á 11 km á lo norueste d'a capital e ye estato bico de Zaragoza dende l'año 1201, estando nomás monezipio independient entre 1837 e 1885.

Trazidionalment á suya economía se basaba en a güerta, pero á la fin d'o sieglo XIX e prenzipios d'o sieglo XX s'establioron belas industrias en o lugar. Manimenos encara i remanen bels cautibos de panizo e alfalz prenzipalment. Se i troba tamién un important zentro lochistico de distribuzión d'idrocarburos d'a interpresa CHL.

Autualment ye a seu d'o "Rechimiento de Pontoners e Espezialidaz de Incheniers nº 12" d'o Exerzito español. Iste rechimiento se creyó en 1872 e ha tenito atras seus en a ziudat de Zaragoza antis de rematar establindo-se en Monzalbarba en l'año 1976.

Contenius 1 Nombre 2 Istoria 3 Molimentos 4 Fiestas 5 Bibliografía

[editar] Nombre

O suyo nombre sennifica en arabe "residenzia de berbers". S'escribe en os testos meyebals como Mocalbarba, Mezalbarba, Mezalbarber e Meçalbarba; estando interesant as formas en plural: Mucalbarues, Mucalbaruas que poderban endicar un plural de barber con o plural aragonés -ers.

[editar] Istoria

No se sape mui bien l'orichen d'o lugar, encara que puet estar una billa romana que se trobaba en iste mesmo puesto situata chunto á una antiga calzada. Ya esistiba en o sieglo VII una armita adedicata á la Birchen de l'Antiga, autualment á Birchen d'a Sagrata.

En o sieglo X se repobló con berbers, prenendo lo nombre de "Manzil barbar". O rei aragonés Alifonso I reconquiesta o lugar en o sieglo XII e lo zede á lo caballero alabés Ambrosio de Casanate. En 1201 pasa a estar un bico d'a ziudat de Zaragoza.

Muitos d'os suyos abitants fuyioron en a Guerra d'Independenzia ta Zaragoza e muitos d'els morioron en os Setios. Entre os años 1837 e 1885 estió un monezipio independient, tornando atra begata dica güé á estar un bico de Zaragoza.

A problazión crexió á la fin d'o sieglo XIX e prenzipios d'o XX debito á la instalazión de belas interpresas en o lugar, estendillando-se por a carrera de Santa Ana, a Barriada obrera de l'año 1930 e o bico de San Chusé de l'año 1956.

[editar] Molimentos

• O molimento más destacato ye a torre mudéxar de l'antiga Ilesia de San Miguel que se demolió en 1967. Ye de ladriello e tien tres plantas.
• Tamién ye imtresant l'armita d'a Sagrata, construyita en 1601 amán de l'antiga que la se lebó lo río Ebro en una crexita.
• Bi ha asabelas torres en a güerta de Monzalbarba amostrando l'arquiteutura popular d'a redolada. Destacan entre atras a Torre de la Aurora d'o sieglo XVIII, a Torre de Santa Catalina d'o sieglo XIX, a Torre del Rey (que pertenexeba á los chesuitas) d'o sieglo XVII, a Torre de la Condesa (espaldata autualment) d'o sieglo XVI, a Torre de Marraco (d'estilo modernista) d'o sieglo XIX u a Torre Arqué.

[editar] Fiestas

• En febrero se zelebran San Blas e Santa Agueda.
• As fiestas mayors son o 8 de setiembre en onor á la Birchen Sagrata.

[editar] Bibliografía

• (es) Folleto informatibo. Alcaldía de Monzalbarba