Confederación Mezmut

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Los Mezmut estioron una de las confederacions tribals berbers mes importants de la Edat Meya chunto con las confederacions Zanata y los Zenacha. Los actuals berbers que charran lo Taxelhit descienden de los Mezmuz medievals.

Historia

Los Mezmuz viviban en l'actual Marruecos y yeran agricultors sedentarios. L'aristocracia Mezmut viviba en Agmat (Alto Atlas).

Bellas tribus mezmutas s'establioron en Al-Andalus en la primera etapa d'invasions musulmanas. Yeran d'orichen mezmut familias como los Banu Tarif d'Osuna, los Banu Timlit d'Ateca y Pozuel de Fariza, los Banu Salim de Medinaceli y los Banu-Faradj de Guadalachara. En lo Matarranya unos mallos famosos pa los escaladors prenen nombre de los Mezmuz (Les Roques del Masmut).

Dende lo sieglo X, las confederacions Cenacha y Zanata invadioron as suyas tierras, y dimpués en lo sieglo XII los beduins arabes de la tribu Banu Hilal.

Ibn Tumart predicó una doctrina ortodoxa y achuntó las diferents tribus Mezmut a prencipio de lo sieglo XII fundando lo movimiento al-Muwahhidun (os "almuades"), que con lo tiempo ocuparía a mes gran parte de Berbería y l'Al-Andalus a tamás de la resistencia de lo Rei Lop. Los cristianos aragoneses lis diciban mezmuds a los almuades por l'orichen tribal de la mes gran part d'ixe exercito.

Cuan lo movimiento relichioso ortodoxo mezmut desapareixió lo modo de vida tradicional permaneixió. Bels pueblos berbers que descienden de los Mezmuz son los Hhaha d'Alcheria y los Xluh en l'Atlas.

Veyer tamién

• Almuades
• Almuades en Al-Andalus

• Datos: Q1572273