Medinaceli

Medinaceli
Municipio de Castiella y Leyón
Plaza Mayor de Medinaceli.
Entidat  • Estato  • Comunidat  • Provincia  • Comarca	Municipio Espanya  Castiella y Leyón Soria Tierra de Medinaceli
Superficie	205,37 km²
Población  • Total	813 hab. (2010)
Altaria	1.092 m.
Distancia  • 75 km	enta Soria
Codigo postal	42240
Medinaceli en a provincia de Soria
www.Medinaceli.info

Medinaceli ye un municipio castellanleyonés, situato en a comarca de Tierra de Medinaceli (en ye a suya capital) y provincia de Soria.

A suya población ye de 804 habitants (2009), en una superficie de 205,37 km² y una densidat de población de 3,91 hab/km².

Etimolochía

O suyo nombre viene de l'arabe madīnat salīm que significa "a ciudat de Salim", o fonema sibilant d'a Sīn arabe se prenuncia dental como a s de "pastura", "estallo" y s'adaptó en iberorromance ta una africata alveolar c, ç, en cuenta de como una s sibilant apical, por ixo hue se prenuncia /Medinazeli/ interdental en castellán y aragonés.

Cheografía

Medinaceli ye situato a 1.092 metros d'altaria dencima d'o ran d'a mar, a una distancia de 75 km de Soria, a capital d'a suya provincia.

D'o suyo termin municipal fan parte os lugars d'Arbujuelo, Azcamellas, Beltejar, Benamira, Blocona, Esteras de Medinaceli, Fuencaliente de Medinaceli, Lodares, Medinaceli, Salinas de Medinaceli y Torralba del Moral.

Mugas

O suyo termin municipal muga con Miño de Medinaceli, Yelo, Alcubilla de las Peñas, Almaluez, Arcos de Xalón y Maranchón.

Historia

Medinaceli ye l'antiga ciudat d'Occilis, que estió una ciudat celtibera d'os belos y dimpués un monecipium mientres o Imperio román.

Se diz que en a alcazaba de Medinaceli bi morió Almanzor en 1002, quan a ciudat feba parte d'o Califato de Cordoba, quan as suyas tropas reblaban luego d'a suya redota en a batalla de Calatañazor.

Arredol de 1129, a ciudat fue reconquiesta por o rei Aifonso d'Aragón O Batallero, como Sigüenza, Molina d'Aragón y tot o curso alto d'o río Xalón, encara que luego o territorio fue adhibito a o reino de Castiella.

En a Guerra d'o Francés, Juan Martín Díez, O Empecinato, se i refuchió ta resistir a las tropas d'o Exercito francés.

Administración

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007	Felipe Utrilla Dupre	Partido Popular
2007–2011

Molimentos

Arco román de Medinaceli.

• Arco román de Medinaceli, d'os sieglos I-III. Ye o solenco arco romano d'Espanya con tres arcadas.
• Castiello de Medinaceli. Estió una alcazaba arabe y dimpués residencia d'os contes de Medinaceli.
• Colechita de Nuestra Sinyora de l'Asunción.
• Plaza Mayor, con o Palacio d'os duques de Medinaceli, un edificio d'o sieglo XVI que estió a seu d'a Casa de Medinaceli.
• Convento de Santa Isabel, d'o sieglo XVI, un convento de monchas clarisas.

Vinclos externos

• Se veigan as imáchens de Commons sobre Medinaceli.
• (es) Pachina web oficial municipal de Medinaceli.