Confederación Zanata

De Biquipedia
Ir ta: navego, busca
Medghassen a sepoltura d'os rais Numidas

A Confederación Zanata yera una confederación de tribus berbers que existiba ya en tiempos preislamicos en zonas interiors de Tripolitania, Túniz y Alcheria y que tenió muita importancia politica en a Edat Meya musulmana.

S'ha especulato con que son descendients d'os antigos numidas, que ocupaban en parte as mesmas zonas. Dos tribus zanatas, Aurebas y Cherabas resistioron a primera penetración arabe pero sin exito.

Tamién se diz que a parabra "chinet" ye orichinata a partir d'o etnonimo d'estos berbers.

Os zanatas en a Edat Meya musulmana[editar | editar código]

Dimpués de lur derrota bells zanatas se desplazoron chunto a u debant d'os arabes ta l'ueste, plegando ta o Rif oriental y a cuenca d'o río Muluia, on i yeran atras agrupacions berbers como os Betalsa y os Micnasa a los que asimiloron y desplazoron.

Yeran aliatos d'os Omeyas contra os Fatimitas d'Echipto y enemigos d'a Confederación Zenacha, con os que se disputaban os oasis de entre l'Altas y o Sahara. Muitos zanata pasoron ta l'Al-Andalús en diferens etapas, a vegatas como aliatos d'os Omeya. En o sieglo X ocuporon os oasis d'o sudeste de Marruecos, con o más important: Sichilmasa.

Enantes d'o sieglo XI bi heba zanatas en Alcheria, Zab y Ifriquiya, y en os planos altos de Orán y Este de Marruecos. Quan plegoron os arabes Banu Hilal y a o Magreb os Zanata mandaban dos zonas:

  • Por lo que fa a l'ueste Marruecos entre Fez y Sichilmanasa y a zona d'Orán.
  • Por lo que fa a l'este, a linia sud de Alcheria y Ifriquiya, (Tribu Beni Uazin), o Cherit Tunizín, Uargla y Chabal Amur u Chabal Rachet, con l'Aurés y Zibán incluitos.

Quan plegoron os Banu Hilal ta l'este as montanyas quedoron superpoblatas con agricultors sedentarios berbers y as planas se despobloron, ceditas a os pastors de crabas u ovellas arabes u berbers arabizatos, como os zanata de Costantina, dica a plegata d'os franceses.

En a parte ueste bi heba diferents reinos zenatas, pero os almorabetz acotoloron toz os reinos que bi heba en l'este de Marruecos. Dimpués d'os almuades, que yeran d'a confederación mezmut, bells zanatas formaron atro estato estendito por buena part d'o Magreb, os benimarins, que tenioron relacions cheopoliticas con o raino Nazarín de Granada.

Ibn Khaldun escribió bella cosa sobre os berbers, y deciba d'os zenatas que yeran una d'as tres divisions d'estos zaguers y que teneban una luenga particular. De feito en as clasificacions atuals de las luengas y dialectos berbers bi ha un grupo clamato zanata.

Os Zanatas en l'actualidat[editar | editar código]

Huei se consideran Zanatas u descendiens d'os Zanata bells grupos berbers: