Meropidae
 |
Este articlo ye escrito con un estilo, grafía, u solucions idiomaticas (no dialectals) que no se fan guaire con o contenito cheneral de Biquipedia, y per ixo un usuario capable el ye adotato esprés ta adobar-le ixas formas y reformular-lo, y la fayena de revisión se troba encara en proceso. Ye posible que, per ixo, bi haiga lagunas de contenito u deficiencias de formato. Per favor, d'antes que no te metas á fer-ie correccions mayors u reescrituras, contacta con ell en a suya pachina d'usuario u la pachina de descusión de l'articlo ta poder-ne coordinar a redacción. Per ixe motivo, tampoco no ye guaire recomendable que, en estando l'articlo en fase de reforma, en prengas garra espresión u solución lexica ta enriquir o tuyo vocabulario personal, u que las reproduzcas en altras pachinas de Biquipedia. |
| Meropidae | |||||||||||||
 Abellaruelo eurasiatico (Merops apiaster) |
|||||||||||||
|
|
|||||||||||||
|---|---|---|---|---|---|---|---|---|---|---|---|---|---|
|
|||||||||||||
|
|
|||||||||||||
Es meropidos (scientificament Meropidae) son una familia de muixons insectivoros de gran capacidat voladora, migradors, y per un regular de colors muito vitarizas, que son clamatos popularment abellaruelos.
Se pareixen a es suyos parients remotos es martinetz pescataires en a suya manera de capturar as presas, salindo con revoladas rapedas dend'una percha a on s'están, y gosan engalzar insectos en vuelo con una gran maniobrabilidat aeria. Como es suyos parients, es abellaruelos escardan es suyos niedos con forma de cado en es talutz y as marguins de faixas cautivatas, luent d'o suelo ta impedir que i dentren gripias predadoras. Se conoix que es suyos més grans enemigos son es fardachos, que s'enfilan t'alto enta es suyos niedos y en deboran es polletz u es uegos.
A consonant con o suyo nombre popular, s'han feto estudeos d'es suyos habitos alimentarios y significativament, en totas as especies estudeatas d'ista familia, d'entre o 70 y o 96% d'es insectos capturatos yeran himenopteros (o grupo d'as abellas y vrispas). A razón d'ista predilección no ye guaire esclatera, pero si que ye conoixito d'o saber popular que istes animals, més que més, son predadors d'as abellas a sobén d'as domesticas, y gosan establir, a tamas d'es apicultors, es suyos territorios de cazata arredol d'es arnals domesticos.
Como no son inmunes contra o vereno d'es insectos, es abellaruelos tienen una tecnica unica ta rematar as suyas presas antes que no las engorchen; agafando-las fuertament con o largo pico per o torax u mesmo per a capeza, lis claban firmes trucazos contra a mesma branca a on son aposatos, y dica que no son seguros que l'insecto ye bien muerto, no se'l minchan.
[editar] Vinclos externos
Se veigan as imáchens de Commons sobre os meropidos.
Biquiespecies tiene un articlo sobre Meropidae.- (en) Abellaruelos
- (en) Abellaruelos d'o Parque Nacional Krueger de Surafrica
- (en) Videos de meropidos en o portal Internet Bird Collection
