Luz

De Biquipedia

Iste articlo ye sobre a luz como radiazión eletromagnetica. Ta atros usos se beiga Luz (desambigazión).

Rayada de luz solar dispersada por particlas de polbera en o congustro de l'Antelope, en os Estatos Unitos.

A luz (d'o latín lux, lucis) ye a mena d'enerchía eletromagnetica radiant que puet perzibir o güello umano. O un sentiu más amplo, o termino luz enclui o rango entero de radiazión conoixiu como o espectro eletromagnetico.

A zienzia que estudea as prenzipals trazas de produzir luz, asinas como o suyo control y aplicazions, ye a optica.

Contenius

1 Prenzipals carauteristicas, efeutos y propiedaz d'a luz
2 Espectro eletromagnetico
- 2.1 Espectro bisible
3 Enrastres esternos
4 Referenzias y bibliografía
- 4.1 Bibliografía

[editar] Prenzipals carauteristicas, efeutos y propiedaz d'a luz

O estudeo d'a luz amuestra una serie de carauteristicas y efeutos en interautuar con a materia, que nos premiten de desempbolicar bellas tiorías.

[editar] Belozidat finita

Ta más detalles, beyer l'articlo Belozidat d'a luzbeyer os articlos [[{{{2}}}]] e [[{{{3}}}]]beyer os articlos [[{{{4}}}]], [[{{{5}}}]] e [[{{{6}}}]]beyer os articlos [[{{{7}}}]], [[{{{8}}}]], [[{{{9}}}]] e [[{{{10}}}]].

A linia amariella amuestra o tiempo que cal ta que a luz recorra o espazio entre a Tierra y a Luna: bels 1,2 segundos.

S'ha contrimostrau tioricament y experimental que a luz tien una belozidat finita. A primera mesura la fazió l'astronomo danés Ole Rømer en 1676 y dende alabez asabelos esperimentos han amillorau a prezisión con a que se conoix o dato. Autualment, a balura exacta azeutada t'a belozidat d'a luz en o bueito (fesica) ye de 299.792.458 m/s.^[1]

A belozidat d'a luz en propagar-se á trabiés d'a materia ye menor que á trabiés d'o bueito, y pende an as propiedaz dieletricas d'o meyo y d'a enerchía d'a luz. A relazión entre a belozidat d'a luz en o bueito y en unatro meyo se denomina endize de refrazión d'o meyo:

$n = \frac{c}{v}$

[editar] Refrazión

Ta más detalles, beyer l'articlo Refraziónbeyer os articlos [[{{{2}}}]] e [[{{{3}}}]]beyer os articlos [[{{{4}}}]], [[{{{5}}}]] e [[{{{6}}}]]beyer os articlos [[{{{7}}}]], [[{{{8}}}]], [[{{{9}}}]] e [[{{{10}}}]].

Prisma

A refrazión ye o cambeo d'endrezera que experimenta a luz en cambiar de meyo. Iste fenomeno se debe á o feito de que a luz se propaga con belozidaz diferents seguntes o meyo por o que biache. O cambeo d'endrezera ye mayor cuanto más gran ye o cambeo de belozidat, ya que a luz gosa recorrer más distanzia por o meyo en que ba más rapeda. A lei de Snell relaziona o cambeo d'anglo con o cambeo de belozidat por meyo d'os endizes de refrazión d'os meyos.

Como a refrazión pende en a enerchía d'a luz, cuan se fa pasar luz blanca u policromatica á trabiés d'un meyo no paralelo, como un prisma, se produz a separazión d'a luz en os suyos components (as colors) seguntes a suya enerchía, en un fenomeno que se diz dispersión refractiba. Si o meyo ye paralelo, a luz se torna á recomponer en salir d'el.

Bels exemplos muit comuns d'a refrazión son a crebaza aparent que se beye en un lapiz cuan se fica en augua, u l'arco de San Chuan.

[editar] Propagazión y difrazión

Ta más detalles, beyer l'articlo Difraziónbeyer os articlos [[{{{2}}}]] e [[{{{3}}}]]beyer os articlos [[{{{4}}}]], [[{{{5}}}]] e [[{{{6}}}]]beyer os articlos [[{{{7}}}]], [[{{{8}}}]], [[{{{9}}}]] e [[{{{10}}}]].

Güembra d'una chiba

Una d'as propiedaz d'a luz de millor oserbar á simpla bista ye que se propaga en linia dreita. Lo podemos beyer, por exemplo, en a propagazión d'una rayada de luz á trabiés d'ambients polborins u d'atmosferas saturadas. A optica cheometrica parte d'ista premisa ta predezir a trachectoria d'a luz mientres a suya transmisión.

D'a propagazión d'a luz y a suya trobada con obchetos surten as güembras. Si calamos un cuerpo opaco en o camín d'a luz y, contino, una pantalla, obtendremos sobre ella a güembra d'o cuerpo. Si l'orichen d'a luz u foco se troba luen d'o cuerpo, y ye más chicot que o cuerpo, se fará una güembra definida. Si s'amana o foco enta o cuerpo se creyará una güembra en a que se destinguen una rechión más clara, dita penumbra y unata más fosca, dita umbra.

Sin d'embargo, a luz no siempre se propaga en linia dreita. Cuan a luz trabiesa un obstaclo punchagudo u una obredura estreita, os rayos s'embanan licherament. Iste fenomeno, dito difrazión, ye o responsable de que cuan se mira á trabiés d'un foradet chicot se beiga tot distorsionau u de que os telescopios y microscopios tiengan un numero d'aumentos masimo.

[editar] Interferenzia

Ta más detalles, beyer l'articlo Interferenziabeyer os articlos [[{{{2}}}]] e [[{{{3}}}]]beyer os articlos [[{{{4}}}]], [[{{{5}}}]] e [[{{{6}}}]]beyer os articlos [[{{{7}}}]], [[{{{8}}}]], [[{{{9}}}]] e [[{{{10}}}]].

Experimento de Young

A traza más simpla d'estudiar o fenomeno d'a interferenzia ye con o denominau experimento de Young, que pende en fer inzidir luz monocromatica (d'una color nomás) en una pantalla que tien una fendilla muit estreita. A luz difractada que sale de dita fendilla se torna á fer inzidir en unatra pantalla con una doble fendilla. A luz prozedent d'as dos fendillas se combina en una terzera pantalla produzindo randas alternatibas claras y foscas.

O fenomeno d'as interferenzias se puet beyer tamién de traza natural en as tacas d'azeite sobre as badinas d'augua u en a cara grabada d'os discos compactos; os dos tienen una superfizie que, cuan s'ilumnia con luz blanca, la difracta, produzindo-se una canzelazión por interferenzias, en funzión de l'anglo d'inzidenzia d'a luz, de cadaguna d'as colors que contien, o que premite beyer-los deseparaus, igual como en un arco San Chuan.

[editar] Reflexión y dispersión

Ta más detalles, beyer l'articlo Reflexión (fesica)beyer os articlos [[{{{2}}}]] e [[{{{3}}}]]beyer os articlos [[{{{4}}}]], [[{{{5}}}]] e [[{{{6}}}]]beyer os articlos [[{{{7}}}]], [[{{{8}}}]], [[{{{9}}}]] e [[{{{10}}}]].

Pex Ballesta refleixau

En inzidir a luz en un cuerpo, a materia d'a que ye feito replega a suya enerchía y la reemete en todas as direzions. Iste fenomeno se diz reflexión. Sin d'embargo, en superfizies opticament lisas, as interferenzias destructibas fan que se pierda a más gran parte d'a radiazión, fueras d'a que se propaga con o mesmo anglo que inzidió. Bels exemplos simples d'iste efeuto son os espiellos, os metals polius u l'augua d'un río.

A luz tamién se refleixa por meyo d'o fenomeno clamau reflexión interna total, que se produz cuan una cuan un rayo de luz mira de salir d'un meyo en que a suya belozidat ye más lenta a unatro más rapedo, con un determinau anglo. Se produz alabez una refrazión de trazas que no ye capaz de trabesar a superfizie entre os dos meyos, refleixando-se toda a enerchía. Ista reflexión ye a responsable d'os brilos en un diamant tallau.

Cuan a luz se refleixa difusament e irregular, o prozeso se diz dispersión. Grazias á iste fenomeno podemos seguir a trachectoria d'a luz en ambients polborinos u en atmosferas saturadas. A color azul d'o zielo se debe á la luz d'o sol dispersada por l'atmosfera. A color blanca d'as boiras u d'a leit tamién se debe á la dispersión d'a luz por l'agua u por o calzio que contienen respetibament.

[editar] Polarizazión

Ta más detalles, beyer l'articlo Polarizazión eletromagneticabeyer os articlos [[{{{2}}}]] e [[{{{3}}}]]beyer os articlos [[{{{4}}}]], [[{{{5}}}]] e [[{{{6}}}]]beyer os articlos [[{{{7}}}]], [[{{{8}}}]], [[{{{9}}}]] e [[{{{10}}}]].

Polarizador

O fenomeno d'a polarizazión s'oserba en bels cristals que indibidualment son transparentes, pero si se calan dos en serie, paralelos entre els, y con uno chirau un determinau anglo con respecto á l'atro, a luz no los puet trabesar. Si se ba rotando uno d'os cristals, a luz prenzipia á trescruzar-los, alcanzando-se a masima intensidat cuan s'ha chirau o cristal 90º con respecto á l'anglo de total escureldat.

Tamién se puet obtener luz polarizada á trabiés d'a reflexión d'a luz. A luz refleixada ye parzial u totalment polarizada pendendo en l'anglo d'inzidenzia. L'anglo que proboca una polarizazión total d'a luz refleixada se diz anglo de Brewster.

Muitas gafas de sol y filtros ta camaras encluyen cristals polarizadors ta eliminar refleixos molestosos.

[editar] Efeutos quimicos

Ta más detalles, beyer l'articlo Fotoquimicabeyer os articlos [[{{{2}}}]] e [[{{{3}}}]]beyer os articlos [[{{{4}}}]], [[{{{5}}}]] e [[{{{6}}}]]beyer os articlos [[{{{7}}}]], [[{{{8}}}]], [[{{{9}}}]] e [[{{{10}}}]].

Bellas sustanzias, en absorber a luz, padeixen cambeos quimicos; fan serbir a enerchía que a luz lis transfiere ta alcanzar os libels enercheticos nezesarios ta reazionar, ta otener una conformazión estrutural más adecuada ta fer una reazión u ta crebar bel enlaze d'a suya estrutura molecular (fotolisis).

La fotosintesis en as plantas, que cheneran zucres á partir de dioxido de carbonio, augua y luz; la sintesis de bitamina D en a piel; a ruptura de dihalochenos con luz en as reazions radicalarias u o prozeso de bisión en o güello, produziu por a isomerización d'o retinol con a luz, son exemplos de reazions fotoquimicas. A branca d'a quimica encargada d'o estudeo d'istos fenomenos ye a fotoquimica.

[editar] Espectro eletromagnetico

Ta más detalles, beyer l'articlo Espectro eletromagneticobeyer os articlos [[{{{2}}}]] e [[{{{3}}}]]beyer os articlos [[{{{4}}}]], [[{{{5}}}]] e [[{{{6}}}]]beyer os articlos [[{{{7}}}]], [[{{{8}}}]], [[{{{9}}}]] e [[{{{10}}}]].

O espectro eletromagnetico ye formau por toz os posibles libels d'enerchía enerchía que a luz puet prener. Parlar d'enerchía ye equibalent á charrar de longaria d'onda; asinas, o espectro eletromagnetico abraca, tamién, todas as longarias d'onda que a luz pueda tener, dende mils de kilometros dica femtometros. Por ixo, a más gran parte d'as representazions esquematicas d'o espectro eletromagnetico gosan fer-se en escala logaritmica.

O espectro eletromagnetico se trestalla en rechions espectrals, clasificadas seguntes os metodos nezesarios ta chenerar y detectar cada mena de radiazión. Por ixo, as rechions no gosan tener una buega definida y esisten bels solapamientos entre ellas.

[editar] Espectro bisible

Ta más detalles, beyer l'articlo Espectro bisiblebeyer os articlos [[{{{2}}}]] e [[{{{3}}}]]beyer os articlos [[{{{4}}}]], [[{{{5}}}]] e [[{{{6}}}]]beyer os articlos [[{{{7}}}]], [[{{{8}}}]], [[{{{9}}}]] e [[{{{10}}}]].

De tot o espectro, a parte que o ser umano puet beyer-ie ye muit chicota. Ista rechión, dita espectro bisible, complega longarias d'onda dende os 380 nm enta os 780 nm. A luz de cadaguna d'istas longarias d'onda las perzibe o güello umano como una color diferent, por ixo, en a descomposizión d'a luz blanca en todas as suyas longarias d'onda, por prismas u por a plebia en l' arco San Chuan, o güello beye todas as colors.

[editar] Enrastres esternos

Se beigan as imachens de Commons sobre a Luz.

[editar] Referenzias y bibliografía

↑ Handbook of chemistry and physics. 23ª edición. CRC press. Boca Ratón, EE.UU.

[editar] Bibliografía

Atkins, Peter; de Paula, Julio (2002), Physical Chemistry, New York: Oxford University Press. 0-19-879285-9.

Skoog, Douglas A.; Holler, F. James; Nieman, Timothy A. (2001), Principios de Análisis instrumental. 5ª Edición, Madrid: McGraw-Hill. 84-481-2775-7.

Tipler, Paul Allen (1994), Física. 3ª Edición, Barcelona: Reverté. 84-291-4366-1.

Burke, John Robert (1999), Física: la naturaleza de las cosas, México DF: International Thomson Editores. 968-7529-37-7.

[0] Handbook of chemistry and physics. 23ª edición. CRC press. Boca Ratón, EE.UU.

[1]

Luz