L'Alcudia de Veyo

L'Alcudia de Veyo
Municipio d'o País Valencián
Anvista de L'Alcudia de Veyo.
Entidat  • Estato  • Comunidat  • Provincia  • Comarca	Municipio Espanya Comunidat Valenciana Castellón Plana Baixa
Superficie	30,7 km²
Población  • Total	212 hab. (2008)
Altaria	465 m.
Distancia  • 36 km  • 80 km	enta Castellón de la Plana enta Valencia
Codigo postal	12222
Ríos	Río Veo

L'Alcudia de Veyo (L'Alcúdia de Veo en catalán, La Alcudia de Veo en castellán) ye un municipio d'a provincia de Castellón, situato en a comarca d'a Plana Baixa.

A suya población ye de 212 habitants (2007), en una superficie de 30,7 km² con una densidat de 6,91 hab/km².

Cheografía

L'Alcudia de Veyo ye situato a 465 metros d'altaria dencima d'o ran d'a mar, en a parte sur d'a Sierra d'Espadán, a una distancia de 36 km de Castellón de la Plana, a capital d'a suya provincia, y 80 km de Valencia, a capital d'o País Valencián. Ye a o canto d'o río Veo.

En o suyo termin municipal bi ha un nuclio principal, L'Alcudia de Veyo, y dos pedanías: Veyo y Benitandús.

Toponimia

En la documentación d'o sieglo XIII y siguients amaneix lo toponimo Veyo, Beyo, Enveyo, Beo. Asinas se diz la Val: la Vall de Veyo, Beo y Beyo en 1238, la Vall de Enveyo como mugant con d'Onda en 1246, el lloc de Veyo de la Sierra d'Eslida en 1414. Asinas lo termin Val de Veyo incluiba a lo mesmo Veyo y a los lugars habitatos d'esta Val (Alcudia, Benitandús/Benitandut y Alfara), encara que las primeras alusions d'estos tres zaguers son de 1365. En las Cortz de Zaragoza de 1372 bi ha una mención a Veyo en la sección Greuges del General del Regno de Aragón:

los castiellos, villas, lugares et alquerias de Exerica con su tenençia Eslida, Ayn, Veyo, Çuera et Fanzara

.

Los lugars de la Val de Veyo prenerían l'apelativo de Veo y con lo tiempo L'Alcudia de Veyo creixería y se faría més gran que Veyo. Veyo esdevenió asinas una pedanía de l'Alcudia de Veyo.

Luengas

Predomina lo castellán en lo nuclio principal u capital de lo municipio, pero en los atros dos nuclios predomina lo catalán. O castellán de L'Alcudia de Veyo ye churro. viespra se diz vespa y la chent viella conserva abundants casos d'una epentesi de Yod debant de vocal de silaba final: safia, chiquio, chiquia, diminutivo iquio, ezt...Este caracter enantes yera més estendillato en a parla churra y murciana.

Economía

L'actividat economica de L'Alcudia de Veyo ye l'agricultura: oliveras, almendreras u cireseras.

Administración

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007	María Carmen Alós Herrera	Partit Socialista del País Valencià-PSOE
2007–2011

Molimentos

Molimentos cevils

• Castiello de l'Alcudia de Veyo.
• Castiello de Chinquer.
• La Nevera.

Molimentos relichiosos

• Ilesia de Sant Miguel, d'o sieglo XVIII.
• Ilesia d'a Virchen de l'Asunción, d'estilo barroco.
• Ilesia de La Virgen de los desamparados, en Benitandús.

Vinclos externos

• (ca) / (es) Pachina web oficial municipal.