Ingüixes

De Biquipedia
Ir ta: navego, busca
Ingüixes
ГIалгIай
Leaders of the Mountainous Republic of the Northern Caucasus.jpg
Ingüixes
Población total
700.000
Rechions con comunidatz importants
Flag of Russia.svg Rusia
Flag of Turkey.svg Turquía
Flag of Kazakhstan.svg Cazaquistán
Idiomas
Ingüix y ruso
Relichión
Islam

Os ingüixes son un grupo etnico d'o Caucas Norte. Charran una luenga caucasica nordoriental y son musulmans sunnitas.

Organización social[editar | editar código]

A estructura social se basa en un sistema de clans, taipa que ye independient d'a división actual de chechens y inguxes.

Luenga[editar | editar código]

Pareixita a lo chechén. S'escribiba en alfabeto latín entre 1923 y 1938, quan as autoridatz sovieticas obligoron a fer servir o cirilico. L'amostranza en ingüix estió prohibita en tiempos d'o exilio en Asia Central.

Relichión[editar | editar código]

Dende o sieglo X i heba una influencia cristianizadora que veniba de Cheorchia, pero en a segunda metat d'o sieglo XIX fueron convertitos por os sufís qadiri. A confrairía tarica sufí ye una forma muito conservadora de l'islam, y esta organización d'a orden sufí encaixa con o sistema de clans (taipa) tradicional. O sentito relichioso islamico s'ha combinato con o deseyo d'independencia respecto a Rusia por o fenomeno de reviscolamiento relichioso y contribuye a la definición d'a identidat como pueblo.

Historia[editar | editar código]

Os ingüixes tienen un orichen común con os chechens, y son denominatos colectivament como vainais, veinaj u naj, ("o nuestro pueblo"). Os cheorchians lis dicen en conchunto kist y o folklore cheorchián ye plen de batallas con ellos. D'o mesmo orichen que os kist son os bat (Ts’ova Tush en cheorchián) de Zemo Alvani (en a provincia de K’ajeti, en Cheorchia) que enantes viviban en as montanyas de Tuseti y que agora son uns 5000 individuos en proceso de cheorchianización y perduga d'a luenga.

En 1784 os rusos fundoron a fortaleza de Vladicaucás y poco enantes de 1820 construyoron a ruta melitar de Cheorchia, entre Vladicaucás y Tbilisi, esto lis permitió sozmeter a los osetas y parte d'os ingüixes, que yeran en a marguin dreita d'o Terec.

Quan cayó o rechimen zarista, se formó en Vladicaucás l'Asambleya d'os Pueblos d'o Caucas, on s'achuntoron osetas, cabardos, chechens, daguestanís y d'atros. En 1918 o bolchevique cheorchián Grigori Ordzhonikidze fundó a Republica Popular Socialista d'os Soviets de Terec con capital en Vladicaucás. En agosto os cosacos forachitoron Ordzhonikidze y os bolcheviques, que tornoron con l'aduya d'os chechens, y fuoron forachitatos de nuevo en 1919 o exercito de voluntarios d'Antón Denikin. Denikin yera mal visto por os montanyeses por os suyos ligallos con os cosacos, y dimpués de ser derrotato en Ucraína, habió d'abandonar o Caucas a lo exercito royo a prencipios de 1920.

O periodo sovietico[editar | editar código]

En chinero de 1921 as autoridatz sovieticas instituyoron a Republica Autonoma d'os Montanyeses dentro d'a Republica Federativa de Rusia, y como continadora de l'Asambleya d'os Pueblos d'o Norte d'o Caucas de 1917, aplegando a cabardos, balcars, osetas, ingüixes y chechens. En 1922 la reducioron a lo territorio d'os osetas y ingüixes, y desapareixió en 1936. Si dica 1936 os osetas y ingüixes formaban una mesma republica autonoma, con un nuevo cambeyo d'entidatz administrativas se creyó a Republica Autonoma d'Osetia d'o Norte y as tierras d'os inguxes s'achuntoron con as tierras d'os Chechens.

Falsament acusatos de colaborar con os nazis, en febrero de 1944 fuoron deportatos t'Asia Central. Parte de Chechenia-Ingüixetia fue adhibita a Cheorchia, pero a rechión de Prigorodny Raion, a man de Vladicaucás, en a marguin dreita d'o Terec, fue adhibita a Osetia d'o Norte y poblata por osetas.

Rehabilitatos a fins d'a decada de 1950 por Jruschov, os Ingüixes tornoron a lur tierra. A rechión de Prigorodny Raion quedó baixo control d'Osetia d'o Norte, encara que deixoron que os ingüixes i tornasen. Encara bi ha muitos ingüixes en Asia Central.

A despomposición d'a URSS[editar | editar código]

Quan os chechens declaroron a independencia, y se negoron a fer parte d'a Federación rusa (marzo de 1992), os ingüixes se deseparoron d'os chechens y formoron una republica propia con capital en Nazrán que en chunio s'adhibió a la Federación Rusa. Con ixo os ingüixes quereban amanar-sen politicament a Moscú y asinas ganar-se refirme ruso en a reivindicación d'a rechión de Prigorodny Raion. Como esto no se desvinió os ingüixes se planteyoron de nuevo a posibilidat d'unir-sen con os chechens. En octubre de 1992 esclató un conflicto interetnico entre os ingüixes y os osetas y muitos ingüixes fuoron forachitatos d'Osetia con o consentimiento ruso.

Bibliografía[editar | editar código]