Cabardos

De Biquipedia
Ir ta: navego, busca
Cabardos
Къэбэртайхэр
Kabardins-postcard.jpg
Familia cabarda (1900)
Población total
600.000 - 1.000.000
Rechions con comunidatz importants
Flag of Russia.svg Rusia
Flag of Turkey.svg Turquía
Flag of Georgia.svg Cheorchia
Idiomas
Cabardo y ruso
Relichión
Islam y cristianismo ortodoxo

Os cabardos u cabardins son un pueblo circasián que habita as cuencas d'os ríos Malka, Baksan y Terec (Republica Autonoma de Cabardino-Balcaria), en a costera norte d'o Caucaso central. Parlan una luenga caucasica nordoccidental y a mayoría son musulmans sunnitas d'a escuela Hanafí. D'alcuerdo con o censo sovietico de 1989 os "cabardos" yeran 363.000 individuos en Cabardino-Balcaria y os "cherqueses" 52.000 en Carachaievo-Cherquesia.

Modo de vida tradicional[editar | editar código]

A economía tradicional se basa en l'agricultura y a cría de caballos. Actualment os kabardos tamién treballan en diferents sectors d'a industria urbana.

Luenga[editar | editar código]

As luengas caucasicas noroccidentals que parlan os circasians, abkhasios, abazos y ubikhes son muito pareixitas totas y tienen un alto grau de intercomprensión entre ellas. As autoridatz sovieticas han creyato diferents standards escritos pa os dos grupos cheograficos de parlas circasianas pa evitar que i haiga una sola luenga escrita circasiana. O cabardino escrito se basa en a parla bacsana d'a Cabardia Gran. Entre 1925 y 1938 facioron servir l'alfabeto latín, pero en 1938 as autoridatz sovieticas introducioron l'alfabeto cirilico. L'alfabeto cirilico introdueito pa os dos standards circasians, pa l'abkhasio y l'abazo son variants diferents de l'alfabeto cirilico y totas dificils de fer servir, tot pa evitar que os caucasians nordoccidentals s'entiendan por escrito.

Relichión[editar | editar código]

Se convirtioron a la relichión musulmana dende os sieglos XVI y XVII como atros pueblos caucasicos, baixo a influencia d'o Khanato de Crimea y o Imperio Otomán. Os cabardos d'a redolata de Mozdok son cristians ortodoxos como os rusos.

Historia[editar | editar código]

Descienden de circasians que s'establioron en os sieglos XIII y XIV en a ribera ezquierda d'o río Terec (Cabardia Gran) y dimpués en a ribera dreita (Cabardia Chica). En a epoca d'expansión d'o Imperio Ruso por o Caucaso estioron pro-rusos y no participoron en as revueltas antirrusas, y representaban una falca pro rusa que crebaba a contunuidat territorial d'os dos focos de revuelta antirrusa: os circasians occidentals a l'ueste y los chechens y daguestanís de Xamil a l'este.

En a primera metat d'o sieglo XIX bells cabardos se reasentoron en a cuenca alta d'o río Cubán esdevenindo atra branca d'os circasians que ye conoixita como "cherqueses" y por ixo a demarcación territorial on viven se conoix como "Rechión Autonoma de Carachaievo-Cherquesia", encara que a denominación de "cherqués" siga historicament cheneral pa totz os pueblos circasians.

Bibliografía[editar | editar código]