Ilesia de Sant Chaime d'Agüero

Ilesia de Sant Chaime d'Agüero
Anvista cheneral d'a ilesia.
Situación cheografica
Estau	Espanya
País	Aragón
Comarca	Plana de Uesca
Situación	Agüero
Adreza
Coordenatas
Archidiocesi	Pamplona y Tudela
Diocesi	Chaca
Arcipestrau	Erla-Uncastiello
Información cheneral
Advocación	Sat Chaime o Mayor
Culto
Orden
Rector
Vicario parroquial
2.º Vicario parroquial
Mosen
Propietario	Ilesia Catolica
Administrador
Director
Coste	{{{coste}}}
Vesitable
Altaria
Pisos
Amplaria
Largaria
Superficie
Diametro
Aforo
Altaria s.r.m.
Atras
Alcance
Iluminación
Potencia
Arquitectura
Tipo	Ilesia
Estilo	Romanico
Función	Ilesia
Catalogación	Molimento Nacional Bien d'Intrés Cultural
Materials	Piedra picada
Construcción
Construcción	Sieglo XII
Fundador
Inicio
Fin
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Premios
Pachina web
Localización
Ilesia de Sant Chaime d'Agüero Ilesia de Sant Chaime d'Agüero en Aragón

A ilesia de Sant Chaime d'Agüero ye una ilesia d'estilos romanico aragonesa que se troba en a localidat d'Agüero, en a comarca d'a Plana de Uesca y provincia de Uesca. Dende lo punto d'anvista d'a suya adscripción administrativa en a Ilesia Catolica, pende de l'arcipestrau d'Erla-Uncastiello en a diocesi de Chaca y de l'archidiocesi de Pamplona y Tudela.

Historia

Se tracta d'una ilesia construyida en o sieglo XII pero que por motivos desconoixius mai no remató la suya construcción. Amás, ya mientres se construyiba la parte que efectivament se debantó se cambió lo suyo planteyamiento inicial porque ya cuan dimpués de construyir-ne los suyos tres absides se yera construyindo lo suyo crucero s'albandonó la pretensión de construyir una ilesia con tres naus de planta basilical ta chirar l'eixe de l'edificio y zarrar as tres naus sin construyir-las.

Descripción

Ye un templo con nomás que una sola nau en un solo trampo con tres absidee en a suya cabecera. Se tracta d'absides de forma semicircular (abracando un cerclo una mica mas que lo puro semicerclo), estando l'abside central d'una altaria una mica mayor que la d'os atros dos. Os absides se troban decoraus con columnas adosadas y que tienen esbeltas y estreitas finestras: dos en l'abside central cadagún d'os trampos en que lo dividen as columnas y nomás que un en os absides laterals. Baixo de cadaguna d'as linias formadas por as finestras se troba una moldura, moldura que de baquetón en os dos absides laterals y con un friso ornamentau, que puet estar obra de qui fació la ornamentación en a Seu d'o Salvador de Santo Domingo de la Calzada en La Rioja.

A ftrontera meridional d'a ilesia, obra d'o mayestro d'Agüero (u mayestro de Sant Chuan d'a Penya) aculle la suya puerta. En forma d'arco de meyo punto abocinau, encara que inicialment se concibió ta tener nomás que dos arquivoltas, finalment pasó a poseyer-ne cuatre y ixo obligó a adhibir-ne un estreito arco ciego. O conchunto ye cubierto con un telladet que reposa sobre canetes con decoracions con motivos animals y humanos. Se tracta de seis canetes y no pas de siet, como caldría asperar, pero la setena queda sin espacio en haber-ie un grupo de columnas. En os ueito capitels sobre los que reposan as arquivoltas bi ha un d'oe elementos caracteristicos d'as obras d'o mayestro d'Agüero, a bailarina, que tien a lo suyo canto a un tanyedor d'harpa y que ye un motivo que ye present en dos d'os capitels.

En a frontera bi ha dos grupos de columnas que fan tamién función de contrafuertes, pareixidas a las existents en a ermita de Puilampa en Sadaba, que rematan en capitels con decoración cheometrica.

Sobre dos esconzons pareixius a los existents en Sant Miguel de Biota descansa lo timpano, adedicau a la Epifanía, que tamién amuestra bel pareixiu con o de Biota.

Galería d'imáchens

• 
  Los suyos tres absides.
• 
  Frontera a on ye visible lo chiro de l'eixe que dixa las tres naus sin rematar.
• 
  Frontera prencipal.
• 
  Detalle d'a frontera con os suyos arco y arquivoltas.
• 
  O timpano.
• 
  Detalle d'o timpano.

Vinclos externos

• Se veigan as imáchens de Commons sobre a ilesia de Sant Chaime d'Agüero.
• (es) Agüero. Ermita de Santiago, en a web www.RomanicoAragones.com.