Idioma oseta

De Biquipedia
Ir ta: navego, busca
Oseta
Atras denominacions:
Parlato en: Flag of Russia.svg Rusia,
Flag of Georgia.svg Cheorchia,
Flag of Turkey.svg Turquía.
Rechión: Osetia de lo Norte, Osetia de lo Sud.
Parladors: Uns 640,000
Posición: {{{rank}}} (Ethnologue 1996)
Filiación chenetica: Luengas indo-europeas

 Indo-iranián
  Iranián
   Oriental
    Nordorientals
     Oseta

Estatus oficial
Oficial en:
Luenga propia de: {{{propia}}}
Reconoixito en: {{{reconoixito}}}
Regulato por:
Codigos
ISO 639-1 os
ISO 639-2 oss
ISO 639-3 oss
SIL
Caucasus-ethnic en.svg
Mapa etnico de lo Caucas con los osetas en color verde clara.

L'oseta ye una luenga iraniana que charran los osetas de lo Caucas, zaguera muestra de las luengas iranianas nordorientals que charraban pueblos de las estepas d'Europa Oriental como los scitas, sarmatas y alans.

Las luengas iranianas de la branca scita y sarmata antigament ocupaban extensas arias d'Europa oriental dica que fuoron desplazadas por las luengas turquicas y eslavas. Bi ha toponimos como lo río Don que encara son trasparents pa los osetas, (Don significa "augua" pa los osetas, a l'egual que lo río "Duero" provién d'una radiz que significa "augua" en luengas celtas). La luenga de los alans duró bell tiempo en las estepas y costeras de lo norte de lo Caucas por la existencia d'Alania, un reino alán formau por los alans que fuyoron de los hunnos enta lo sud y se sedentarizoron chunto con pueblos caucasicos. En lo Caucas la luenga alana-oseta quedó dividida en dos dialectos: lo digor u occidental y lo iron u oriental. Lo digor se charra en una part d'Osetia de lo Norte, lo iron se charra tanto en Osetia de lo Norte como en Osetia de lo Sud. Lo "chasico" ye un tercer dialecto oseta se charraba en Hongría en la baixa Edat Meya por establir-se-ie alans que en tiempos de los mongols emigraban enta l'ueste con los cumans.

Lo primer libro escrito en luenga oseta ye de 1798 y en alfabeto cirilico. En lo sieglo XIX se feba servir tanto l'alfabeto cirilico como l'alfabeto cheorchián, y a vegadas lo dialecto digor s'escribiba en alfabeto arabe. En 1923 s'introdució l'alfabeto latín. En 1938 introducioron l'alfabeto cirilico de nuevo en Osetia de lo Norte y l'alfabeto cheorchián en Osetia de lo Sud, dica la muerte de Stalin, quan ya deixoron de fer servir l'alfabeto cheorchián. Lo digor deixó d'estar base d'un standard escrito en 1939.[1]

Los osetas tienen una rica literatura epica tradicional con elementos pagans, lo ciclo de los Nartos, que han trasmeso a los circasians y abkhasios. Lo especialista en relichions politeístas indoeuropeas y luengas caucasicas Georges Dumézil estudeó este ciclo con profundidat y trobó muitas cosas comuns con la mitolochía celta y indiana antiga (de lo periodo vedico).[2]

Referencias[editar | editar código]

  1. Felipe Fernández-Armesto. Los hijos de Zeus. Pueblos, enias y culturas de Europa. 1996 Grijalbo. pp479-480
  2. * Georges Dumézil. Escitas y osetas (1996). Fondo de Cultura Económica, S.L

Bibliografía[editar | editar código]