Euskadi Ta Askatasuna

De Biquipedia
Ir ta: navego, busca
Mural d'apoyo a ETA en Altsasu.
Miembros armatos d'ETA en o Gudari Eguna d'o 25 de setiembre de 2006.

ETA (que significa Euskadi Ta Askatasuna, en vasco País Vasco e Libertat) ye una organización independentista vasca armata y clandestina, d'idiolochía marxista, que tien como obchectivo a creyación d'un Estato vasco euskaldun, independient d'Espanya y Francia, y encluyendo os siet territorios vascos historicos (Euskal Herria): tres perteneixients a lo Estato Francés (que son totz almenistrativament en o departamento francés d'os Pireneus Atlanticos), tres provincias d'o Estato Espanyol que forman l'actual País Vasco, y a tamién provincia espanyola de Navarra, en l'actualidat Comunidat Foral de Navarra; y socialista. Ye considerata una organización terrorista por o gubierno d'Espanya, por a Unión Europea[1] y por os Estatos Unitos.[2]

ETA practica a sobén a extorsión e a vegatas o secuestro como metodos de financiamiento y con finalidat de presión política. Organizacions como Amnistia Internacional[3] denuncian anyalment as activitatz d'ETA en os suyos informes asinas como belas actuacions d'os cuerpos policials espanyols en o mesmo conflicto.

Os integrants d'ETA son clamatos etarras, y o suyo simbolo ye una serpient enreligata en una estral.

ETA en Aragón

Debito a las buenas comunicacions d'Aragón con o País Vasco y Francia e a la suya orografía ha estato siempre un puesto privilechiato ta las actividatz d'ETA.

En total 17 personas han muerto en o país debito a los atentatos, a más gran parti d'els relacionatos con a Guardia Civil u o Exercito. As dos primeras victimas d'ETA en Aragón estioron Manuel Rivera Sánchez y Ángel José Ramos Saavedra, comandant y soldato d'o Exercito que morioron dimpués de que esclata-se l'autobus melitar en que viachaban en a Plaza de San Chuan d'os Panetz de Zaragoza o día 30 de chinero de 1987. Ixe mesmo anyo, l'11 d'aviento, se produció tamién o pior atentato d'ETA en Aragón con o esclatito d'un coche-bomba en a casa d'a Guardia Civil de l'Avenita de Catalunya de Zaragoza, morindo 11 personas, entre ellas cinco ninas.

En 1989 moriba en Chaca sarchento d'o exercito Joaquín Bordonaba en un atentato con libro-bomba. Dica l'anyo 2000 ETA no torna a actuar en Aragón y ye o 20 d'agosto de 2000 en Sallén quan son asasinatos os guardias civils Irene Fernández Pereda y José Ángel de Jesús Encinas con una bomba penchata en os baixos d'o suyo coche. Un anyo dimpués ye asasinato de tres tiros en a carrera Cortz d'Aragón o president d'o Partito Popular d'Aragón Manuel Giménez Abad quan se'n iba ta La Romareda a veyer a lo Real Zaragoza.

Ha habito atros atentatos d'ETA en Aragón como por eixemplo en o Corte Inglés de Sagasta en que nomás habió danyos materials y bellas personas feritas.

Manimenos l'actividat d'ETA ha estato muito mayor en a suya historia en Aragón. S'han trobato diferents pisos francos prencipalment en Zaragoza e tamién s'ha preso a personas relacionatas con ETA en atros puesto como l'Almunia.[4] Tamién ETA s'aprofeitato d'a orografía pirenenca ta amagar armas y personas como amuestra o descubrimiento d'un zulo en a Guarguera con 125 kg d'explosivos a prencipios de 2008.[5]

Tamién ye important a operación policial en a que a Guardia Civil de trafico prenió lo 21 d'aviento de 1999 dos furgonetas a mán d'Alfama d'Aragón y Contamina con grans cantidatz d'explosivos ta emplegar en futuros atentatos d'ETA.

Referencias

Vinclos externos