Domingo de Ramos

De Biquipedia

Ir ta: nabego, busca
Dentrata en Cherusalén de Giotto.

O Domingo de Ramos ye o primer día d'a Semana Santa cristiana, periodo en que os cristians remeran a Pasión, Muerte e Resurrezión de Chesús de Nazaret. Prenzipia remerando a Dentrata de Chesús en Cherusalén. Seguntes os Ebanchelios Chesús dentró en a ziudat de Cherusalén amontato sobre una burreta chunto con os suyos diziplos en a Pascua Chodiga. A ziudat rezibió á Chesus con gran alegría, con brancas de olibera e palmas ta dar-li á biemplegata.

A calendata de zelebrazión baría cada año, siempre arredol d'os meses de marzo e abril.

[editar] A Liturchia d'o Domingo de Ramos

As zeremonias liturchicas d'ixe día prenzipian con a bendizión d'as palmas e ramas d'olibera u laurel que leban en as suyas mans os fiels, remerando lo pasache ebanchelico. Mientres d'a zeremonia d'a misa se leye o tot o relato d'a Pasión.

"Cuan s'amanaban ta Cherusalén e arriboron en Betfagué, en o Mont d'as Oliberas, Chesús nimbió á dos disziplos, dizindo-lis: -Iz-tos-ne ta o lugaron que ye debant- e dimpués trobarez una somera piada, e con ella un pullín; soltaz-los e trayez-los-me, e si tos ne dizisen cualcosa, direz que o Siñor los amenista e que los tornará lugo. Isto acayexió ta que se complís o dito por o profeta: Diziz á la filla de Sión: Cata que o tuyo rei biene ta tu, manso e umilment amontau en una somera e un pullín, fillo d'una azembla fainera (Is 62,11; Zac 9,9)

Se'n fuoron os disziplos e fazioron o que lis eba dito Chesús; e bi trayioron a somera e o pullín, e metioron denzima d'els os mantos, e denzima d'istos amontó Chesús. A mayoría d'a moltitut estendillaba os suyos mantos por o camín, mientres que uns atros, tallando brancas d'arbols, las espardiban por a rullada. A moltitut que lo prezedeba e a que lo siguiba, chilaba, dizindo: -Biba lo Fillo de Dabit! -Bendito lo que biene en nombre d'o Siñor! (Sal 118, 25,-26). -Salba-mos dende l'alto d'o ziel! E cuan dentró en Cherusalén, tota la ziudat d'estremolezió e diziba: -Qui ye iste?

E a moltitut respondeba: -Iste ye o profeta Chesús o de Nazaret de Galileya, (Mt 21, 1-11)[1]

[editar] Zelebrazions en Aragón

Domingo de Ramos en Zaragoza, Cofradía de la Entrada.

En tota la cheografía aragonesa se fan prozesions conmemorando los feitos que rezentan os Ebanchelios. Á sobent as cofadrías, que leban palmas, s'encargan de portar un paso que representa á eszena d'a dentrata de Chesús en Cherusalén.

En Zaragoza ye a Cofradía de la Entrada de Jesús en Jerusalén qui fa la prozesión de Domingo de Ramos u Prozesión d'as Palmas, portando lo paso de La Entrada de Jesús en Jerusalén conoxito popularment como La Burreta. Atras cofadrías tamién fan prozesions en Zaragoza como a Estación de Penitencia (Humildad), Vía Crucis (Coronación e Humillación), Prozesión d'o Treslato (Columna), Procesión d'o Dolor d'a Mai de Dios (Prendimiento), Prozesión d'o Nazareno (Nazareno) u o Vía Crucis Parroquial (Silencio e Esclavas).

En Balbastro, Semana Santa d'Interés toristico d'Aragón, prozesiona la Cofadría de San José (La Burreta).

En Uesca a prozesión, declarata Fiesta d'Intrés toristico d'Aragón, ye organizata por l'Archicofradía de la Vera Cruz, establita en 1587[2].

Ye tradizión tamién que os ninos leben á la ilesia palmas con lamins penchatos, que o mosén bendezirá.

[editar] Referenzias

  1. ↑ Os cuatre Ebachelios d'o nuestro Siñor Chesucristo, traduzión de mosén Pedro Recuenco Caraballo
  2. ↑ Semana Santa en Aragón
Otenito de "http://an.wikipedia.org/wiki/Domingo_de_Ramos"