Burro
De Biquipedia
 |
Iste articlo tien una bersión escrita con una grafía alternatiba esperimental propuesta por bels biquipedistas á dintro d'o Biquiproyeuto:Grafía. Puede beyer-se aquí. |
| Burro / Somero | ||||||||||||||||
|---|---|---|---|---|---|---|---|---|---|---|---|---|---|---|---|---|
 Equus asinus, o pollin domestico. |
||||||||||||||||
| Estato de conserbazión | ||||||||||||||||
|
||||||||||||||||
| Clasificazión zentifica | ||||||||||||||||
|
||||||||||||||||
| Nomenclatura binomial | ||||||||||||||||
| Equus asinus | ||||||||||||||||
| Linnaeus, 1758 |
O burro u somero / somer (Equus asinus (L., 1758)) ye un mamifero domestico d'a familia d'es equidos, més chicot e con orellas més luengas que no es caballos. Se diz pollín de l'animal choben, emplegando-se o termín guarán ta os mastos sementals.
Contenius |
[editar] Ibridazión con altros equidos
Un guarán puet cobrir fembras d'altras espezies emparentatas, como una yeugua, e dar potrez ibridos biables (anque estérils). O entrecruz d'un guarán con una yeugua s'ha feto clasicament ta librar mulas (bartos u mastos cuan son masclos) que son animals muit fortals, resistents e dózils, razón per a cual s'aconsideran animals particularment baliosos ta portar cargas pesatas en distanzias luengas, sobre tot en terrenos montañencos u deserticos. Es mulez naixitos d'una somera cobierta per un caballo son més chicoz e febles, por ixo se mira siempre de fer o entrecruz per l'altra bía.
Anque muito menos comuns, tamién se son aconseguitos bels ibridos de burro domestico e diversas espezies de zebra, conoxitos en anglés como "zeedonks", que podría traduzir-se por zeburros. Como toz es ibridos d'equidos diferents, es ibridos d'o guarán son esterils perque tota as espezies d'o chenero Equus tienen numbros diferents de cromosomas. Es caballos en tienen 64 e es someros 62, produzindo-se asinas ibridos (as mulas e mastos) que no en tienen si que 63, y en tener o numbro impar no pueden fer a segregazión meyotica d'es suyos gametos e remanen asinas esterils.
Esiste una espezie (con diversas sozespezies) de somers salbaches en as estepas d'Asia, clamato onagro u hemión.
[editar] Utilidat economica
D'es orichens d'a istoria es somers s'han feito serbir en Europa e Asia més ozidental ta portiar cargas, estibar carros e carriar personas. Anque no son de luen tan rapedos como es caballos, son animals més lonchebos, o mantenimiento suyo ye menos costoso e tienen gran resistenzia e achilidat cuan es camins son defizils. Encara en l'autualidat son animals d'una gran importanzia economica en países en bías de desarrollo.
Es pollins tienen una gran reputazión de ser tozoludos, pero ixo se debe á a malinterpretazión de belas personas sobre o suyo sentito de l'autopreserbazión. Ye muito defizil de forzar un somero á fer bella cosa quan este bei que no en ha de sacar treslau. Modernament, han proliferato es estudeos sobre o suyo comportamiento, anque encara son prou lemitatos. Es somers parix que son animals aprebenius, amigables e enchugadius, e prou més intelichents que no se'n eba considerato tradizionalment. Manimenos, en que s'ha ganato a suya confianza pueden estar buenos compañers de triballo e recreyo. Antiparte, se los conserba en bels países ozidentals como animals de grancha e como mascotas cuan o suyo emplego como á bestias de carga ya ye despareixito. Tamién son bestias populars en puestos toristicos e de recreyo ta paseyar es ninos.
[editar] Aspeutos istoricos
- O burro estió o simbolo d'o dios echipziano Ra.
- O burro estió o simbolo d'o dios griego Dionisio.
- O somero amanix repetidament en a Biblia ebrea.
- En l'Antiga Roma, o somero yera l'animal binculato con Príapo, e ta él s'ofreixeban somers en sacrifzio perque diz que ixe dios en eba abito de matar uno en o suyo biache ent'as Indias chunto con Baco per aber gosato desputar-le o premio d'a fuerza.
[editar] Se beiga tamién
[editar] Enrastres externos
Se beigan as imachens de Commons sobre somers e someras..- (es) El Mundo del Burro
- (pt) AEPGA; asoziazión ispano-portuguesa per a protezión d'o bestiar asino
- (es) Fuents escritas e orals sopre a simbolochia d'o guarán en l'antigüedat
