Cofradía de la Entrada de Jesús en Jerusalén

De Biquipedia

Cofradía de la Entrada de Jesús en Jerusalén
Establita	1938
Seu Canonica	Ilesia Santa Isabel, Zaragoza
Seu Sozial	Colechio "El Pilar" HH. Maristas, Zaragoza
Cofadres	707
Pasos	1
Estrumentos	Tambors e carraclas
Uniforme	Caperucha azul e tunica blanca
Web	www.cofradialaentrada.com

A Cofradía de la Entrada de Jesús en Jerusalén (en aragonés Cofadría d'a Dentrata de Chesús en Cherusalén) ye una cofadría d'a Semana Santa zaragozana.

[editar] Istoria

A cofadría estió establita en l'año 1938 por bels d'os portiadors que lebaban l'antigo paso d'Antonio Palo que estió cremato en 1935 mientres d'a Segunda Republica. Istos primers cofadres teneban relazión con os bancos e caxas d'estalbios de Zaragoza. Á l'año siguient salioron sin l'abito en a prozesión d'o Santo Entierro, o 7 d'abril de 1939, e dos años dimpués salioron o Domingo de Ramos ya con l'autual abito d'a cofadría.

En os primers años 1960 a cofadría prenzipia as chestions con barios colechios de Zaragoza, ya que no bi eba prous cofadres d'entre os treballadors de caxas e bancos de Zaragoza. D'ista traza en 1964 a cofadría s'integra en o colechio d'os Maristas, prenzipiando dende iste año a prozesión de Domingo de Ramos en o colechio. Á l'año siguient, en 1965, se creya la sezión de tambors.

Dende 1969 tamién as mullers fan parte d'a cofadría con os mesmos dreitos que os ombres e en 1973 se creya la sezión de bombos.

Á prenzipios d'os años 1980 se cambea la salita d'a prozesión de Ramos ta la Seu, anque dende 1988 por as obras de restaurazión se sale dende San Cayetano.

[editar] Pasos

• La Entrada de Jesús en Jerusalén: conoxita popularment como La Burreta ye obra d'os chirmans Albareda de l'año 1940. O paso ye feito con fusta de Flandres. I aparixen nueu feguras, entre as que destacan una mai que debanta á lo suyo fillo e Chesús amontato en una burreta.

[editar] Uniforme e emblema

L'abito d'a cofadría ye una tunica blanca con dos franchas azuls berticals en a parti debantera. En a capeza caperucho azul, eszeuto los cargos prozesionals, portiadors e bombos que leban terzerol blanco con antifaz azul e a sezión infantil que leba bonet román azul. Guantes de color negra.

O emblema ye una colunna de plata coronata, que ye o Santo Pilar, con una cruz de San Chaime de gules denzima, tot rodiato por dos palmas. En a base o lión, simbolo d'a ziudat de Zaragoza.

Cofadías de Zaragoza
Calvario · Columna · Coronación · Crucifixión · Descendimiento · Despojado · Dolorosa · Ecce-Homo · Entrada · Esclavas · Eucaristía · Exaltación · Huerto · Humildad · Humillación · Llegada · Nazareno · Piedad · Prendimiento · Resucitado · Sangre de Cristo · Siete Palabras · Silencio · Verónica